Больш за 7,1 тыс. дзяцей змогуць адпачыць гэтым летам у 8 аздараўленчых лагерах БЧ
16 мая 2024
1 чэрвеня 2024 года адкрые свае дзверы лагер «Дубровенка» Магілёўскага аддзялення Беларускай чыгункі. У лагеры «Імя М. Гастэлы» і «Лясное возера» Мінскага аддзялення БЧ, «Азёры» Баранавіцкага аддзялення чыгункі, «Лясныя далі» Гомельскага аддзялення БЧ і «Магістраль» Віцебскага аддзялення чыгункі заезды адбудуцца 2, 6, 7 і 8 чэрвеня 2024 года адпаведна. У дзіцячых аздараўленчых лагерах «Лясное возера» Мінскага аддзялення БЧ і «Вярба» Брэсцкага аддзялення чыгункі першая змена пачнецца 5 чэрвеня 2024 года. У лагеры «Іса» Баранавіцкага аддзялення магістралі аздаравіцца можна будзе з 11 чэрвеня 2024 года.
Лагер «Дубровенка» Магілёўскага аддзялення будзе прымаць дзяцей у 5 змен, а лагеры «імя М. Гастэлы» і «Лясное возера» Мінскага аддзялення, «Лясныя далі» Гомельскага аддзялення, «Магістраль» Віцебскага аддзялення, «Азёры» і «Іса» Баранавіцкага аддзялення чыгункі, «Вярба» Брэсцкага аддзялення – у 4 змены.
Для дзяцей ва ўзросце 14-17 гадоў будуць арганізаваны профільныя атрады ў дзіцячых аздараўленчых лагерах «Імя М. Гастэлы», «Дубровенка» і «Лясныя далі». Тут хлопцы змогуць азнаёміцца з асновамі чыгуначных прафесій.
Адметнай асаблівасцю аздараўленчай кампаніі 2024 года стане правядзенне тэматычных мерапрыемстваў у рамках аб'яўленага ў Рэспубліцы Беларусь Года якасці і 80-годдзя вызвалення нашай краіны ад нямецка-фашысцкіх захопнікаў. Будуць арганізаваны розныя віктарыны, конкурсы, спартыўныя спаборніцтвы і канцэртныя праграмы.
Інфармацыя падрыхтавана прэс-цэнтрам БЧ
