Амаль 3,5 млн пасажыраў перавезла Беларуская чыгунка ў перыяд майскіх святаў

17 мая 2024

Беларуская чыгунка з 26 красавіка па 15 мая 2024 года перавезла амаль 3,5 млн пасажыраў ва ўсіх відах зносінах.

Так, цягнікамі міжрэгіянальных і рэгіянальных ліній бізнес-класа скарысталіся больш за 545 тыс. чалавек. Цягнікамі гарадскіх і рэгіянальных ліній эканомкласа перавезена каля 2,7 млн пасажыраў. У міжнародных зносінах аб'ём перавозак склаў амаль 255 тыс.чалавек.

Пры гэтым максімальны пасажырапаток адзначаўся 27 красавіка, 3, 10, 11 і 14 мая.

Асаблівым попытам ва ўнутрырэспубліканскіх зносінах у пасажыраў карысталіся цягнікі міжрэгіянальных ліній бізнес-класа, якія курсіруюць па маршрутах Мінск – Гомель, Мінск – Брэст, Мінск – Віцебск і Мінск – Магілёў.

Найбольш папулярнымі напрамкамі ў міжнародных зносінах былі Мінск – Масква і Мінск – Санкт-Пецярбург.

У мэтах задавальнення попыту пасажыраў на перавозкі ў перыяд травеньскіх святочных дзён Беларускай чыгункай было прызначана каля 100 дадатковых цягнікоў, з якіх 80 курсіравалі ў межах Рэспублікі Беларусь.

Інфармацыя падрыхтавана прэс-цэнтрам БЧ