Беларуская чыгунка падвяла вынікі конкурсу маладзежных ініцыятыў сярод работнікаў магістралі ў 2022 годзе

12 студзеня 2023

Конкурс маладзёжных ініцыятыў арганізаваны ў мэтах рэалізацыі дзяржаўнай маладзёжнай палітыкі на Беларускай чыгунцы, развіцця інтэлектуальных і творчых здольнасцяў моладзі, а таксама выяўлення і ўкаранення на беларускай магістралі інавацыйных ідэй і праектаў, якія прадстаўляюць практычны інтарэс, пастаяннага павышэння прафесійнага ўзроўню моладзі.

У 2022 годзе ў конкурсе ўдзельнічала 68 работнікаў Беларускай чыгункі. Камісія вызначыла 24 работы, якія прэтэндуюць на прызавыя месцы ў 8 намінацыях.

У намінацыі «Маладзёжная ініцыятыва, накіраваная на павышэнне бяспекі руху цягнікоў» 1 месца прысуджана Сяргею Дробнаму, інжынеру Жлобінскага вагоннага дэпо (тэма «Выяўленне перагрэву буксовых вузлоў з прымяненнем тэрмахромнай фарбы»), 2 месца заняў Ігнат Цітовіч, інжынер-тэхнолаг лакаматыўнага дэпо Мінск (тэма «Распрацоўка сістэмы апавяшчэння аб перададмоўным стане вузлоў і агрэгатаў рухомага саставу на прыкладзе дызель-цягнікоў серыі ДП6», 3-га месца ўдастоена Вольга Лысянкова, інжынер-тэхнолаг Гомельскага вагоннага дэпо (тэма «Распрацоўка тэхналогіі магнітапарашковага кантролю ролікаў падшыпніка»).

У намінацыі «Маладзёжная ініцыятыва, накіраваная на паляпшэнне ўмоў перавозкі грузаў і пасажыраў» перамогу атрымала Ксенія Пікуль, старшы білетны касір вакзала станцыі Гомель (тэма «Паляпшэнне якасці работы раз'язных білетных касіраў з дапамогай мабільнага дадатку»), 2 месца прысуджана Леаніду Шараю, старэйшаму прыёмшчыку цягнікоў станцыі Гомель (тэма «Эфектыўныя схемы дастаўкі піламатэрыялаў з Рэспублікі Беларусь у Азербайджан з удзелам Гомельскага філіяла ГП «БТЛЦ»), 3 месца заняла Аліна Дзямідава, начальнік станцыйнага тэхналагічнага цэнтра апрацоўкі цягніковай інфармацыі і перавозачных дакументаў станцыі Віцебск (тэма «Перабудова няцотнай гарлавіны пасажырскага парку»).

У намінацыі «Маладзёжная ініцыятыва, накіраваная на павышэнне прадукцыйнасці работы і рацыянальнае выкарыстанне працоўных рэсурсаў» 1 месца заняла ініцыятыва Івана Байды, вядучага інжынера-тэхнолага лакаматыўнага дэпо Гомель (тэма «Выраб абвівачнай камеры для ўчастка па рамонце электрычных машын»), 2 месца заняла Марына Лагун, інжынер вытворча-тэхнічнага аддзела Гомельскай дыстанцыі грамадзянскіх збудаванняў (тэма «Распрацоўка дэфектных актаў на выкананне работ па бягучым рамонце з дапамогай мовы праграміравання Visual Basic for Applications (VBA)»), 3 месца прысудзілі Маргарыце Снежкавай, інжынеру тэхнічнага аддзела Гомельскай дыстанцыі пуці РУП «Гомельскае аддзяленне Беларускай чыгункі (тэма «Тэхналагічны працэс змены стрэлачнага пераводу з выкарыстаннем універсальнага пагрузчыка Амкадор-332»).

У намінацыі «Маладзёжная ініцыятыва, накіраваная на эканомію паліўна-энергетычных і матэрыяльных рэсурсаў» перамогу атрымаў Леанід Галадзюк, чыгуначны майстар Жабінкаўскай дыстанцыі пуці (тэма «Выключэнне заўчаснага зносу крыжавіны і рамнай рэйкі стрэлачнага пераводу Р65 1/11»), 2 месца заняў Павел Ляўко, інжынер-энергетык Жабінкаўскай дыстанцыі пуці (тэма «Выключэнне заўчаснага зносу шчоткі для размеркавання змазкі»), 3 месца дасталася Іллі Яраховічу, інжынеру Лунінецкай дыстанцыі пуці (тэма «Выкарыстанне аўтаномнай сонечнай электрастанцыі»).

У намінацыі «Маладзёжная ініцыятыва, накіраваная на забеспячэнне аховы навакольнага асяроддзя» 1 месца заняла Галіна Краўчук, вядучы інжынер санаторыя «Магістральны» Баранавіцкага аддзялення чыгункі (тэма «Змена спосабу ліквідацыі разліву нафтапрадуктаў»), 2 месца атрымала ініцыятыва Іллі Капусціна, электраманцёра Магілёўскай дыстанцыі сігналізацыі і сувязі (тэма «Зніжэнне ўзроўню шуму на сартавальнай горцы»), 3-га месца ўдастоена ідэя Віктара Ананіча, слесара-інструментальшчыка Магілёўскага вагоннага дэпо (тэма «Вылучэнне эмульсіі на аснове індустрыяльнага алею з адходаў змазкі ЛЗ-ЦНДІ»).

У намінацыі «Маладзёжная ініцыятыва, накіраваная на паляпшэнне ўмоў і аховы працы на вытворчасці» 1 месца заняў Віталь Касьян, першы намеснік начальніка – галоўны інжынер прадпрыемства Віцебсгрузсэрвіс Віцебскага аддзялення чыгункі (тэма «Гарызантальная сістэма страхоўкі»), 2 месца прысуджана Анастасіі Казлоўскай, інжынеру тэхнічнага аддзела Віцебскай дыстанцыі электразабеспячэння (тэма «Стацыянарная лабараторыя для выпрабавання ахоўных сродкаў і электраабсталявання»), 3 месца ў Іллі Сычэўскага, начальніка аддзела па вядзенні тэхнічнай дакументацыі Баранавіцкай дыстанцыі сігналізацыі і сувязі (тэма «Сістэма дадатковай індыкацыі сігналу святлафора аўтаматычнай пешаходнай сігналізацыі»).

У намінацыі «Маладзёжная ініцыятыва, накіраваная на аўтаматызацыю і механізацыю вытворчых працэсаў» 1 месца заняў Мікалай Макрыца, начальнік участка правадной сувязі Віцебскай дыстанцыі сігналізацыі і сувязі (тэма «Праект маніторынгу цэласнасці кабельнай сеткі»), 2 месца прысуджана ініцыятыве работнікаў лакаматыўнага дэпо Асіповічы – майстры базы паліва Аляксандра Слесарава і інжынера-тэхнолага Арцёма Лівенскага (тэма «Укараненне аўтаматычнага працоўнага месца па ўліку гаруча-змазачных матэрыялаў на складах паліва»), 3-га месца ўдастоена Анастасія Мартынава, інжынер Мінскай дыстанцыі сігналізацыі і сувязі (тэма «Выкарыстанне 3D-прынтара для патрэб дыстанцыі сігналізацыі і сувязі»).

У намінацыі «Маладзёжная ініцыятыва, накіраваная на лічбавую трансфармацыю вытворчых працэсаў» перамогу атрымаў Яўген Пангліш, электрамеханік па абслугоўванні і рамонце прылад чыгуначнай аўтаматыкі і тэлемеханікі Жлобінскай дыстанцыі сігналізацыі і сувязі (тэма «Дапоўненая рэальнасць у кабельнай сетцы», 2 месца заняў Уладзіслаў Ніканораў, Дыспетчар цягніковага цэнтра кіравання перавозкамі службы перавозак (тэма «Распрацоўка і ўкараненне мабільнага дадатку «Праграма дапамогі аператыўнаму персаналу»), 3 месца прысудзілі Аляксандру Палавінкіну, інжынеру па ахове працы Бабруйскай дыстанцыі пуці (тэма «Мабільны дадатак АС «Праверка ведаў» з электронным пасведчаннем па ахове працы, звязаныя паміж сабой з дапамогай тэхналогіі NFC з выкарыстаннем электроннага лічбавага подпісу»).

Усе моладзевыя ініцыятывы, якія занялі прызавыя месцы, будуць дэталёва прапрацаваны профільнымі спецыялістамі з мэтай вывучэння магчымасці іх практычнага ўкаранення на Беларускай чыгунцы.

Пераможцы конкурсу будуць узнагароджаны памятнымі дыпломамі і грашовымі прэміямі.

Інфармацыя падрыхтавана прэс-цэнтрам БЧ