Паважаныя работнікі і ветэраны Беларускай чыгункі!
30 ліпеня 2021
Ад чыстага сэрца прыміце самыя добрыя віншаванні і пажаданні ў сувязі з прафесійным святам – Днём чыгуначніка.
Чыгуначная галіна – гэта асаблівы і непаўторны свет, багаты сваімі традыцыямі і каштоўнасцямі, гэта вялікая і дружная сям'я з адзінымі мэтамі і задачамі. Бясцэнны вопыт папярэдніх пакаленняў, адказная і добрасумленая работа чыгуначнікаў нашага часу дазваляе забяспечваць патрэбы эканомікі і грамадства ў перавозцы грузаў і пасажыраў.
Адыходзячы «Чыгуначны» год стаў праверкай на трываласць нашага калектыву. І нягледзячы на ўсе цяжкасці, нам удалося згуртавацца і ў складаных знешнеэканамічных умовах працягнуць стабільную работу, выконваючы пастаўленыя дзяржавай задачы.
У мэтах павышэння якасці транспартнага абслугоўвання рэгіёнаў было арганізавана курсіраванне трох пар цягнікоў бізнес-класа ў зносінах Мінск–Магілёў, павялічана частата звароту цягнікоў паміж Мінскам і Віцебскам, уведзены новы маршрут Мінск–Пінск.
Дзякуючы двухбаковаму супрацоўніцтву з лютага бягучага года пачалося паэтапнае аднаўленне міжнародных пасажырскіх зносін з Расійскай Федэрацыяй. У красавіку паспяхова рэалізаваны сумесны з РЖД праект дзённых хуткасных пасажырскіх зносін па маршруце Мінск–Масква.
Знакавымі для ўсёй краіны падзеямі сталі грамадска-патрыятычныя праекты «Цягнік перамогі» і «#Беларусь.Моладзь.Адзінства», якія былі рэалізаваны з удзелам Беларускай чыгункі ў рамках Года народнага адзінства.
Чыгунка – сімвал пастаяннага руху наперад і імкнення да развіцця. Работнікі беларускай магістралі робяць усё магчымае для таго, каб пасажыры былі ў поўнай меры задаволены паслугай, а кліенты і дзелавыя партнёры мелі магчымасць своечасова атрымаць і адправіць свой груз. Нашы намаганні і далей будуць накіраваны на дасягненне найлепшых вынікаў у сумеснай рабоце, стварэнне эфектыўнай сістэмы грузапасажырскіх перавозак.
Сёння перад галіной стаяць маштабныя задачы па мадэрнізацыі інфраструктуры, абнаўленню рухомага саставу, электрыфікацыі новых чыгуначных участкаў і павышэнню якасці аказваемых паслуг, развіццю транзітных маршрутаў і ўмацаванню кадравага патэнцыялу.
Перакананыя, што прафесіяналізм, веды і вопыт усіх работнікаў Беларускай чыгункі дазволяць нам рэалізаваць самыя амбіцыйныя планы і дасягнуць усіх намечаных мэтаў.
Дзякуй вам за адданасць сваёй справе, добрасумленную працу і прафесіяналізм.
Напярэдадні прафесійнага свята самыя цёплыя і шчырыя словы падзякі выказваем ветэранам Беларускай чыгункі, якія аддалі многія гады сваёй працоўнай дзейнасці станаўленню і развіццю магістралі, выхаванню дастойнай маладой змены чыгуначнікаў.
Добрыя словы віншавання адрасуем тым, хто ў святочны дзень будзе знаходзіцца на працоўнай пасадзе, а таксама тым, хто першы раз у сваім жыцці будзе адзначаць прафесійнае свята ў нашай вялікай і дружнай чыгуначнай сям'і.
Ад усёй душы жадаем вам, вашым родным і блізкім моцнага здароўя, шчасця, дабрабыту, мірнага неба і ўпэўненасці ў заўтрашнім дні!
Са святам!
Начальнік Беларускай чыгункі У.М. Марозаў
Старшыня Аб'яднанай галіновай
прафсаюзнай арганізацыі чыгуначнікаў
і транспартных будаўнікоў В.М. Какора
Старшыня арганізацыі ветэранаў
Беларускай чыгункі С.П. Гогалеў
Да спісу навін за 2021 год