Беларуская чыгунка прыняла ўдзел у сесіі 98‑й Генеральнай Асамблеі Міжнароднага саюза чыгунак (UIC)

09 ліпеня 2021

8 ліпеня 2021 г. дэлегацыя Беларускай чыгункі прыняла ўдзел у сесіі 98-й Генеральнай Асамблеі Міжнароднага саюза чыгунак (МСЧ). Пасяджэнне было арганізавана ў фармаце відэаканферэнцыі.

Удзельнікі сесіі абмеркавалі пералік рэкамендацый для чыгуначнага сектара па аднаўленні дзелавой актыўнасці пасля пандэміі COVID-19, падрыхтаваных спецыяльнай групай МСЧ. Былі разгледжаны пытанні павышэння канкурэнтаздольнасці чыгуначнага транспарту ў перыяд і пасля пандэміі COVID-19, эфектыўнасці рэгіянальнага ўзаемадзеяння, вынікі дзейнасці Платформы UIC па стандартызацыі. У рамках разгляду пытання ў дачыненні да кіруючага складу МСЧ аднагалосна новым старшынёй МСЧ на перыяд 2,5 года быў выбраны старшыня праўлення групы АТ «Польскія дзяржаўныя чыгункі» Кшыштаф Маміньскі.

Варта адзначыць, што ў 2022 годзе Міжнародны саюз чыгунак адзначае 100-годдзе з дня заснавання. Сёння, гэта найбуйнейшая міжнародная транспартная арганізацыя, членамі якой з'яўляюцца 200 чыгуначных кампаній, размешчаных на 5 кантынентах.

Беларуская чыгунка была прынята ў члены Міжнароднага саюза чыгунак у 1992 годзе і актыўна ўдзельнічае ў дзейнасці рабочых органаў МСЧ па пытаннях пасажырскіх перавозак, бяспекі, а таксама стандартызацыі.

Інфармацыя падрыхтавана прэс-цэнтрам БЧ