Пытанні двухбаковага супрацоўніцтва абмеркавалі кіраўнікі чыгунак Беларусі і Літвы
24 сакавіка 2021
Перамовы Начальніка Беларускай чыгункі Уладзіміра Марозава з генеральным дырэктарам АТ «Літоўскія чыгункі» Мантасам Бартушкай адбыліся 23 сакавіка 2021 г. у фармаце відэаканферэнцыі.
Бакі падвялі вынікі сумеснай работы за 2020 год, абмеркавалі пытанні грузавой работы, тэхналагічныя і эксплуатацыйныя аспекты ўзаемадзеяння. Асноўная ўвага была ўдзелена ўдасканаленню работы па пропуску транзітных грузаў у напрамку Калінінградскай вобласці, паскарэнню прасоўвання кантэйнерных цягнікоў праз памежныя пераходы. Асобна абмеркавалі магчымасць праезду для грамадзян Рэспублікі Беларусь па маршруце Мінск–Калінінград.
Таксама адбылося падпісанне пагаднення аб супрацоўніцтве, раней актуалізаванага з улікам структурных пераўтварэнняў, рэарганізацыі і пераразмеркавання кампетэнцый у АТ «Літоўскія чыгункі».
Інфармацыя падрыхтавана прэс-цэнтрам
Да спісу навін за 2021 год