Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Карпаратыўныя навіны

Люты

  • На Беларускай чыгунцы падвялі вынікі дзейнасці добраахвотных дружын у 2020 годзе
    25 лютага 2021
    На Беларускай чыгунцы падвялі вынікі дзейнасці добраахвотных дружын у 2020 годзе

    25 лютага 2021 года ва Упраўленні Беларускай чыгункі ў фармаце відэаканферэнцыі адбылася сумесная нарада прадстаўнікоў Беларускай чыгункі і органаў унутраных спраў на транспарце, у час якой падведзены вынікі дзейнасці добраахвотных дружын па ахове правапарадку ў 2020 годзе. Удзельнікі сустрэчы таксама разгледзелі шэраг актуальных пытанняў па далейшым удасканаленні іх дзейнасці ў 2021 годзе ў арганізацыях Беларускай чыгункі, абмяняліся вопытам і намецілі меры па павышэнню эфектыўнасці ўзаемадзеяння добраахвотных дружын з праваахоўнымі органамі па забеспячэнню аховы правапарадку на аб'ектах чыгуначнага транспарту.

    Начальнік упраўлення арганізацыі забеспячэння грамадскай бяспекі на аб'ектах транспарту МУС Рэспублікі Беларусь Вадзім Фядотаў адзначыў: «У нас сёння невялікі юбілей – 15 гадоў дзейнасці добраахвотных дружын на Беларускай чыгунцы». Ён таксама падкрэсліў, што эфектыўнасць і выніковасць іх работы застаецца стабільна высокай. Ад сябе асабіста і ад усіх супрацоўнікаў органаў унутраных спраў Вадзім Фядотаў выказаў падзяку работнікам БЧ, якія разам з праваахоўнымі органамі выконваюць адказную і важную місію па ахове правапарадку на чыгуначным транспарце.

    Чытаць далей…
  •  Дарагія ветэраны, паважаныя работнікі  Беларускай чыгункі!
    22 лютага 2021
    Дарагія ветэраны, паважаныя работнікі Беларускай чыгункі!

    Прыміце самыя цёплыя і шчырыя віншаванні з Днём абаронцаў Айчыны і Узброеных Сіл Рэспублікі Беларусь!

    23 лютага ў гісторыі нашай краіны – гэта асаблівы дзень, калі ўсе мы па традыцыі ўшаноўваем абаронцаў Айчыны, аддаём даніну павагі воінам і ветэранам усіх пакаленняў, падарыў нам мір і свабоду.

    Неацэнны ўклад у абарону Радзімы ўнеслі і работнікі чыгуначнага транспарту. Мы заўсёды будзем памятаць ратныя подзвігі ўсіх тых, хто змагаўся на фронце і самааддана працаваў у тыле ў гады Вялікай Айчыннай вайны. Ваша стойкасць духу, адданасць і любоў да роднай зямлі з'яўляюцца для нас прыкладам сапраўднага патрыятызму, вышэйшай доблесці і мужнасці. Нізкі паклон вам, паважаныя ветэраны!

    Чытаць далей…
  • ЗАТ «АЗТМ» Беларускай чыгункі зрабіла кантэйнеры-цыстэрны для беларускай станцыі ў Антарктыдзе
    19 лютага 2021
    ЗАТ «АЗТМ» Беларускай чыгункі зрабіла кантэйнеры-цыстэрны для беларускай станцыі ў Антарктыдзе

    ЗАТ «Асіповіцкі завод транспартнага машынабудавання» (ЗАТ «АЗТМ») Беларускай чыгункі вырабіла і адправіла на беларускую станцыю ў Антарктыдзе канструкцыю з двух кантэйнераў-цыстэрнаў мадэлі Т11-254, збудаваных у адну лінію. Яны будуць выкарыстаны ГУ «Рэспубліканскі цэнтр палярных даследаванняў» для захоўвання дызельнага паліва і харчавання электрастанцыі.

    Канструкцыя ўяўляе сабой два кантэйнера-цыстэрны мадэлі Т11-254 злучаныя трубаправодам і абсталяваныя спецыяльным мосцікам для зручнасці эксплуатацыі. Так як Антарктыда мае спецыфічны клімат і з'яўляецца марскім запаведнікам, пры вырабе канструкцыі ўлічаны ўсе патрабаванні экалагічнай бяспекі. Для дадатковай абароны ад уцечкі дызельнага паліва зліўныя прыборы абсталяваныя шаравымі кранамі.

    Чытаць далей…
  • 19 лютага 2021
    Гераічны ўчынак чыгуначніка. На станцыі Чырвоны Бераг адкрылі мемарыяльную дошку, прысвечаную ўнікальнай спецаперацыі ў гады Вялікай Айчыннай вайны

    19 лютага 2021 года на станцыі Чырвоны Бераг (Жлобінскі раён) адбылося ўрачыстае адкрыццё мемарыяльнай дошкі, прысвечанай унікальнай аперацыі, праведзенай у гэтай мясцовасці ў гады Вялікай Айчыннай вайны. Мерапрыемства адбылося напярэдадні Дня абаронцаў Айчыны і Узброеных сіл Рэспублікі Беларусь, а таксама ў рамках абвешчанага ў краіне Года народнага адзінства.

    Дадзеная аперацыя стала магчымай, дзякуючы гераічным дзеянням чыгуначніка Рыгора Навуменка і ўдзельнікаў спецгрупы НКДБ БССР «Храбрацы», якія вялі барацьбу з нямецка-фашысцкімі захопнікамі на акупіраванай тэрыторыі Беларусі. У ходзе яе ўдалося раскрыць і парушыць планы фашыстаў – выкарыстоўваць хімічную зброю ў пераломны перыяд Вялікай Айчыннай вайны.

    Улетку 1943 года па інфармацыі сувязнога – чыгуначніка Рыгора Навуменка – стала вядома, што на станцыі Чырвоны Бераг у тупіку ўзмоцнена ахоўваецца эшалон, усе вагоны якога, за выключэннем першага і апошняга, абклеены чорным матэрыялам. 5 чэрвеня 1943 года дыверсійная група пусціла пад адхон гэты эшалон з атрутнымі газамі і дэгазацыйнымі сродкамі. З месца крушэння сувязныя з ліку чыгуначнікаў вынеслі балон з газам, супрацьіпрытную накідку, процігаз і дэгазацыйныя парашкі.

    Чытаць далей…
  • 19 лютага 2021 года на Беларускай чыгунцы стартуе адкрыты чэмпіянат па лыжных гонках
    18 лютага 2021
    19 лютага 2021 года на Беларускай чыгунцы стартуе адкрыты чэмпіянат па лыжных гонках

    Адкрыты чэмпіянат Беларускай чыгункі па лыжных гонках пройдзе з 19 па 21 лютага 2021 года на лыжа-ролернай трасе РФСК «Надзея» у аграгарадку Свет Баранавіцкага раёна. Спаборніцтвы праводзяцца ў рамках мерапрыемстваў, прысвечаных Году народнага адзінства, а таксама 85-годдзя фізкультурна-спартыўнага руху чыгуначнікаў.

    Арганізатары мерапрыемства Беларуская чыгунка і Аб'яднаная галіновая прафсаюзная арганізацыя чыгуначнікаў і транспартных будаўнікоў Беларускага прафесійнага саюза работнікаў транспарту і камунікацый.

    У чэмпіянаце возьмуць удзел зборныя каманды аддзяленняў Беларускай чыгункі і каманда ЗАТ «Гомельскі ВБЗ». Чыгуначнікі будуць спаборнічаць у эстафеце і асабістым першынстве. У асабістым заліку жанчынам трэба будзе пераадолець дыстанцыю ў 3 кіламетры, а мужчынам – 5 кіламетраў, у эстафеце – 2,5 кіламетра і 5 кіламетраў адпаведна.

    Чытаць далей…
  • 10 гадоў назад Беларуская чыгунка пачала продаж праязных дакументаў праз інтэрнэт
    10 лютага 2021
    10 гадоў назад Беларуская чыгунка пачала продаж праязных дакументаў праз інтэрнэт

    10 лютага 2011 года на сайце poezd.rw.by пачалася вопытная эксплуатацыя анлайн-сістэмы продажу праязных дакументаў. Разам з раскладам руху цягнікоў пасажырам стала даступна інфармацыя аб кошце праезду, наяўнасці свабодных месцаў у вагонах, а самае галоўнае – з'явілася магчымасць набыць білет на міжнародны або ўнутрырэспубліканскі маршрут з аплатай праз сістэму інтэрнэт-банкінгу.

    Першапачаткова пасля аплаты праз інтэрнэт пасажыр атрымліваў 14 значны код, па якім у касе неабходна было аформіць праязны дакумент на бланку. Значна спрасціла працэс анлайн-пакупкі ўвядзенне сістэмы электроннай рэгістрацыі, паяўленне магчымасці выбраць месца на схеме вагона, увядзенне аплаты праз плацежныя сістэмы АРІП і ASSIST, а таксама запуск абноўленага раздзела «Паслугі пасажырам» pass.rw.by і афіцыйнага мабільнага дадатку «БЧ. Мой поезд».

    Чытаць далей…
  • 09 лютага 2021
    Відэанавіны Беларускай чыгункі, студзень 2021 (132 выпуск)

    Сёння ў выпуску:

    – Паэтапнае аднаўленне міжнародных пасажырскіх зносін. 8 лютага першы рэйс з Мінска ў Маскву цягніка № 2 «Беларусь».

    – Прагнозы і вынікі. На пасяджэнні Тэхніка-эканамічнага савета падвялі вынікі мінулай пяцігодкі і вызначылі планы развіцця да 2025 года.

    Чытаць далей…
  • 2 лютага 2021 года Беларуская і Расійскія чыгункі падпісалі Пагадненне аб супрацоўніцтве
    03 лютага 2021
    2 лютага 2021 года Беларуская і Расійскія чыгункі падпісалі Пагадненне аб супрацоўніцтве

    Беларуская і Расійскія чыгункі падпісалі Пагадненне аб супрацоўніцтве пры арганізацыі руху цягнікоў, перадачы вагонаў, кантэйнераў і грузаў, выкарыстанні чыгуначнай інфраструктуры паміж перадатачнымі станцыямі. Подпісы пад дакументам паставілі Начальнік Беларускай чыгункі Уладзімір Марозаў і генеральны дырэктар – старшыня праўлення ААТ «РЖД» Алег Белазёраў. Сустрэча прайшла ў анлайн-фармаце.

    Неабходнасць заключэння дадзенага Пагаднення абумоўлена ўдасканаленнем міжнароднага заканадаўства ў сферы чыгуначных перавозак, асаблівасцямі яго прымянення пры арганізацыі перавозак паміж перадатачнымі станцыямі чыгунак Рэспублікі Беларусь і Расійскай Федэрацыі, а таксама далейшай цыфравізацыі перавозачнага працэсу.

    У час сустрэчы Уладзімір Марозаў і Алег Белазёраў падвялі вынікі супрацоўніцтва чыгуначных кампаній у мінулым годзе і абмеркавалі напрамкі сумеснай работы на 2021 год.

    Чытаць далей…