Больш чым 3,7 мільёна пасажыраў скарысталіся тэрміналамі самаабслугоўвання Беларускай чыгункі ў 2020 годзе

16 студзеня 2021

Дадзены канал продажаў карыстаецца ўзрастаючым попытам у пасажыраў. Зараз у сярэднім тэрміналамі самаабслугоўвання штомесяц карыстаецца каля 310 тысяч пасажыраў БЧ. Найбольшая колькасць білетаў была аформлена праз тэрміналы ў перыяд з чэрвеня па кастрычнік. Пры гэтым пік «папулярнасці» тэрміналаў самаабслугоўвання прыйшоўся на снежань. У апошні месяц 2020 года імі скарыстаўся амаль кожны дзесяты пасажыр цягнікоў рэгіянальных ліній эканомкласа і гарадскіх ліній.

Нагадаем, упершыню паслуга продажу праязных дакументаў праз тэрміналы самаабслугоўвання была ўведзена ў 2012 годзе на станцыі Мінск-Пасажырскі. За першы год работы з іх дапамогай было набыта 44,1 тысяч білетаў. Штогод сетка прылад самаабслугоўвання павялічвалася, паляпшалася якасць іх работы, укараняліся новыя опцыі, што адбівалася на росце аб'ёмаў продажаў і павышэнні цікавасці пасажыраў да новай тэхналогіі.

Пераломным момантам стала ўкараненне ў сярэдзіне 2019 года на БЧ тэрміналаў самаабслугоўвання новага тыпу - з магчымасцю прыёму аплаты наяўнымі грошамі і выдачы рэшты, а таксама з выкарыстаннем плацежных картак банкаў рэзідэнтаў і нерэзідэнтаў Рэспублікі Беларусь. На прыладах новага тыпу можна аформіць білеты на 3 мовах - беларускай, рускай і англійскай.

На працягу 2020 года білеты на цягнікі з ненумараванымі месцамі праз тэрміналы самаабслугоўвання набылі 3 731,2 тысячы чалавек. Гэта ў 2 разы больш, чым у мінулым годзе. Тэрміналы для пасажыраў сталі зручнай альтэрнатывай чыгуначных білетных кас.

На працягу 2020 года Беларуская чыгунка праводзіла падрыхтоўчую работу па пашырэнню сеткі тэрміналаў самаабслугоўвання. У снежні 2020 года ўстаноўлена 27 новых тэрміналаў, якія ў студзені 2021-га будуць уведзены ў эксплуатацыю. Дзякуючы гэтаму больш шырокія магчымасці афармлення праезду з'явіліся на вакзалах станцый Віцебск, Бабруйск, Баранавічы-Палескія, Асіповічы, Жлобін, Гомель і Пінск.

У сапраўдны момант на станцыях і прыпыначных пунктах Беларускай чыгункі ўстаноўлена 188 прылад самаабслугоўвання, у тым ліку 97 тэрміналаў новага тыпу.

З улікам бягучай эпідэмічнай сітуацыі Беларуская чыгунка рэкамендуе пасажырам актыўна выкарыстоўваць тэрміналы самаабслугоўвання, а таксама іншыя электронныя каналы продажаў праязных дакументаў. Гэта хутка, зручна і бяспечна.

Інфармацыя падрыхтавана прэс-цэнтрам БЧ