Беларуская чыгунка інфармуе
27 студзеня 2021
26 студзеня ў 15:30 на 283 кіламетры перагона Ганцавічы-Рэйтанаў участка Лунінец-Баранавічы (Ляхавіцкі раён) на рэгуляваным без дзяжурнага работніка чыгуначным пераездзе пры спраўнай светлавой і гукавой сігналізацыі адбылося сутыкненне грузавога цягніка з грузавым аўтамабілем «Івека».
Для прадухілення сутыкнення машыністам было скарыстана экстранае тармажэнне.
У выніку сутыкнення адбылося пашкоджанне лакаматыва, а таксама раз'яднанне саставу паміж 4 і 5 вагонамі.
У выніку здарэння быў таксама затрыманы цягнік рэгіянальных ліній эканомкласа № 6216 Лунінец-Баранавічы. Затрымка склала больш за 2 гадзіны.
Беларускай чыгункай прыняты аператыўныя меры па ліквідацыі наступстваў інцыдэнту. У цяперашні час рух цягнікоў на гэтым участку адноўлены ў поўным аб'ёме.
Прычыны здарэння ўстанаўліваюцца.
Асноўнымі прычынамі няшчасных выпадкаў на чыгуначных пераездах з'яўляюцца ігнараванне вадзіцелямі мер бяспекі, у тым ліку грубае парушэнне правілаў дарожнага руху.
Беларуская чыгунка прыносіць прабачэнні пасажырам за прычыненыя нязручнасці і просіць з разуменнем паставіцца да сітуацыі, якая склалася.
Беларуская чыгунка ў чарговы раз заклікае грамадзян быць больш уважліва на аб'ектах чыгуначнага транспарту і выконваць правілы дарожнага руху.
Інфармацыя падрыхтавана прэс-цэнтрам БЧ
Да спісу навін за 2021 год