Галоўная / Карпаратыўны / Прэс-цэнтр / 2020 /

Карпаратыўныя навіны

Снежань

31 снежня 2020
Відэанавіны Беларускай чыгункі, cнежань 2020 (131 выпуск)
Сёння ў выпуску:
Чытаць далей…
30 снежня 2020
Беларуская чыгунка інфармуе

У суткі 29-30 снежня на тэрыторыі Рэспублікі Беларусь назіраліся неспрыяльныя ўмовы надвор'я, метэаролагамі быў абвешчаны «чырвоны ўзровень небяспекі». Стыхія закранула Віцебскую, Магілёўскую і частку Мінскай вобласці. У гэтых рэгіёнах зафіксаваны моцныя парывы ветру, «ледзяны» дождж з абледзяненнем правадоў, больш за 2 см, а таксама дрэў, што прывяло да іх падзення на чыгуначныя пуці і адключэння ліній электразабеспячэння на асобных участках. Усяго зафіксавана 189 падзенняў дрэў. Агульная працягласць участкаў, на якіх былі адзначаны збоі ў электразабеспячэнні і работы сродкаў сігналізацыі і сувязі, склала 486 км.
Чытаць далей…
30 снежня 2020
Дарагія ветэраны і работнікі Беларускай чыгункі! Паважаныя пасажыры, грузаўладальнікі і дзелавыя партнёры!

Прыміце самыя шчырыя і цёплыя віншаванні з Новым 2021 годам і Калядамі!

Гэта самыя прыгожыя і светлыя сямейныя святы. Яны – сімвалы надзеі і стварэння, любові і шчасця, гармоніі і міру. Мы чакаем іх з асаблівым трапятаннем і верым, што новы год прынясе толькі самае добрае, а ўсё перажытае застанецца ў мінулым.

2020 год стаў для Беларускай чыгункі праверкай на трываласць. Зніжэнне аб'ёмаў грузавой работы, поўнае спыненне міжнародных пасажырскіх перавозак, выкліканае складанай эпідэміялагічнай сітуацыяй, запатрабавалі ад кожнага работніка максімальнай канцэнтрацыі, прафесіяналізму і адказнасці.

Сёння Беларуская чыгунка па-ранейшаму выступае ў дзяржаве гарантам надзейнасці і стабільнасці ў забеспячэнні перавозак пасажыраў і грузаў.
Чытаць далей…
29 снежня 2020
Парк лакаматываў Беларускай чыгункі папоўніцца 15 сучаснымі кітайскімі электравозамі

29 снежня 2020 года Беларуская чыгунка заключыла кантракт з ТАА «Кітайская кампанія па экспарту і імпарту электраабсталявання» (CUEC) і ТАА «CRRC Датунская электравозабудаўнічая кампанія» на пастаўку 15 грузавых аднасекцыйных электравозаў пераменнага току серыі БКГ2. Подпісы пад дакументам паставілі Начальнік Беларускай чыгункі Уладзімір Марозаў, Старшыня Праўлення CUEC Ван Цзіньсун і Старшыня Праўлення Датунскай электравозабудаўнічай кампаніі Хуан Цічао.

У адпаведнасці з кантрактам пастаўка электравозаў на Беларускую чыгунку запланавана да канца 2023 года. Кошт інвестыцыйнага праекта складае 64,3 млн еўра.

Трэба адзначыць, што гэтыя аднасекцыйныя электравозы БКГ2 - гэта ўдасканаленая мадэль лакаматываў дадзенай серыі, раней набытых Беларускай чыгункай. Іх асаблівасцю з'яўляецца магчымасць кіравання не толькі грузавых, але і пасажырскіх цягнікоў.
Чытаць далей…
24 снежня 2020
Беларускай чыгунцы 27 снежня споўніцца 158 гадоў

27 снежня 1862 года (15 снежня па старым стылі) з платформы станцыі Парэчча адправіўся першы цягнік па тэрыторыі Беларусі. На беларускай зямлі пачаў эксплуатавацца чыгуначны ўчастак Гродна–Парэчча, які быў пабудаваны ў рамках Санкт-Пецярбургска–Варшаўскай магістралі.

За 158 гадоў Беларуская чыгунка прайшла вялізны шлях – ад аднакалейнай лініі да разгалінаванай чыгуначнай сеткі краіны, працягласцю больш за 5,5 тысяч кіламетраў.

Сёння беларуская магістраль уяўляе сабой магутны транспартны комплекс з вялікім тэхнічным і інтэлектуальным патэнцыялам, які ў поўным аб'ёме забяспечвае патрэбнасці насельніцтва і прадпрыемстваў краіны ў перавозках пасажыраў і грузаў.

Маршрутная сетка чыгункі ахоплівае больш за 2100 населеных пунктаў. Штогод БЧ перавозіць у сярэднім каля 150 мільёнаў тон грузаў і каля 80 мільёнаў пасажыраў.
Чытаць далей…
23 снежня 2020
«Чыгунка ў творах жывапісу». БЧ выпусціла на новы 2021 год карпаратыўны каляндар з карцінамі вядомых мастакоў.

Беларуская чыгунка на 2021 год выпусціла карпаратыўны каляндар «Чыгунка ў творах жывапісу». Рэалізацыя гэтага праекта — ад задумкі да ажыцяўлення — вынік работы творчага калектыву Цэнтра навукова-тэхнічнай інфармацыі БЧ.

Асноўная яго ідэя прадставіць вобраз чыгункі праз прызму ўспрымання беларускіх, савецкіх і замежных жывапісцаў.
Чытаць далей…
23 снежня 2020
24 снежня цягнік «Навагодні экспрэс» адправіцца ў першы рэйс па Дзіцячай чыгунцы ім. К.С. Заслонава

24 снежня 2020 года ў 12.40 першы ў гэтым святочным сезоне цягнік, кіраваны юнымі чыгуначнікамі, адправіцца з перона станцыі Заслонава. Ён будзе курсіраваць па Дзіцячай чыгунцы ў дні зімовых канікул, калядных і навагодніх святаў з 24 снежня 2020 года па 7 студзеня 2021 года ўключна.
Чытаць далей…
23 снежня 2020
30 снежня 2020 года Беларуская чыгунка правядзе «Адзіны дзень пасажыра» у новым фармаце

«Адзіны дзень пасажыра» праводзіцца на Беларускай чыгунцы рэгулярна, пачынаючы з 2015 года. 4 разы на год прадстаўнікі пасажырскай службы Упраўлення Беларускай чыгункі, кіраўнікі і спецыялісты аддзяленняў чыгункі сустракаюцца з пасажырамі на чыгуначных вакзалах краіны з мэтай вывучэння меркавання спажыўцоў транспартных паслуг, забеспячэння зваротнай сувязі.

У сувязі са складанай эпідэміялагічнай сітуацыяй і ў мэтах захавання здароўя пасажыраў у снежні гэтага года Беларуская чыгунка правядзе «Адзіны дзень пасажыра» ў анлайн-фармаце.

Напярэдадні мерапрыемства 28-30 снежня грамадзяне змогуць задаць свае пытанні спецыялістам БЧ праз Кантакт-цэнтр Беларускай чыгункі па нумары 151, зазначыўшы, што пытанне зададзена ў рамках «Адзінага дня пасажыра». Адказы будуць апублікаваны на афіцыйным сайце Беларускай чыгункі (www.rw.by).
Чытаць далей…
22 снежня 2020
Кіраўніцтва Беларускай чыгункі прыняло ўдзел у навагодняй дабрачыннай акцыі «Нашы дзеці»

22 снежня ў рамках рэспубліканскай дабрачыннай акцыі «Нашы дзеці» кіраўніцтва Беларускай чыгункі сустрэлася з навучэнцамі Ждановіцкай спецыяльнай агульнаадукацыйнай школы-інтэрната.

У цяперашні час у школе-інтэрнаце навучаюцца 83 вучня (інваліды дзяцінства па слыху) ва ўзросце ад 4 да 18 гадоў з усіх рэгіёнаў Беларусі, у асноўным са шматдзетных і малазабяспечаных сем'яў.

Чыгуначнікі павіншавалі дзяцей з надыходзячым Новым годам, а Дзед Мароз і Снягурка ўручылі салодкія падарункі, прадастаўленыя прафсаюзным камітэтам Упраўлення БЧ. Творчыя калектывы сталічнага Палаца культуры і спорту чыгуначнікаў падарылі выхаванцам святочную праграму. Перад хлопцамі выступілі ўдзельнікі ўзорнага ансамбля танца «Цягнічок», заслужанага аматарскага калектыву Рэспублікі Беларусь ансамбля эстраднага танца «Гарэзныя агеньчыкі», студыі бальнага танца, а таксама салістка заслужанага аматарскага калектыву Рэспублікі Беларусь цыркавой студыі «Белая Русь» Аліна Іванова.
Чытаць далей…
22 снежня 2020
24 снежня 2020 года кіраўніцтва Беларускай чыгункі правядзе прамую тэлефонную лінію

У чацвер, 24 снежня Беларуская чыгунка правядзе «прамую тэлефонную лінію» па тэме: «Арганізацыя пасажырскіх перавозак, расклад руху цягнікоў».
Чытаць далей…
21 снежня 2020
21 снежня на Беларускай чыгунцы стартавала акцыя «Дзеці і бяспека»

Напярэдадні школьных восеньскіх канікул Беларуская чыгунка ўзмацніць кантроль за выкананнем мер бяспекі непаўналетнімі на аб'ектах чыгуначнага транспарту. Прафілактычныя мерапрыемствы будуць арганізаваны з 21 снежня па 10 студзеня. Работнікі БЧ сумесна з членамі грамадскіх фарміраванняў, супрацоўнікамі органаў унутраных спраў правядуць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова праінфармуюць пра меры бяспекі пры знаходжанні на аб'ектах чыгуначнага транспарту, правядуць тлумачальна-прафілактычную работу ў працоўных калектывах прадпрыемстваў і ва ўстановах адукацыі.

Работа па папярэджанні няшчасных выпадкаў з удзелам непаўналетніх на аб'ектах чыгуначнага транспарту праводзіцца рэгулярна і знаходзіцца на асаблівым кантролі.

Нягледзячы на ўсе меры, праблема траўміравання непаўналетніх на аб'ектах чыгуначнага транспарту сёння востра стаіць у грамадстве.
Чытаць далей…
21 снежня 2020
«Работаем у адзінай камандзе» – з захаваннем рэкамендацый Міністэрства аховы здароўя. Упершыню БЧ правяла ў анлайн-рэжыме чыгуначны конкурс сярод маладых работнікаў.

У конкурсе спаборнічалі каманды ўсіх шасці аддзяленняў чыгункі, у склад якіх увайшлі па чатыры прадстаўніка розных прафесій: машыніст або памочнік машыніста, праваднік пасажырскіх вагонаў, білетны касір і дзяжурны па станцыі.
Чытаць далей…
18 снежня 2020
«Тое, што дорага і блізка ...» – беларускія чыгуначнікі пра сваю малую Радзіму

Беларуская чыгунка прадстаўляе спецыяльны праект, прысвечаны году малой Радзімы. Гэта вынік вялікай работы журналістаў газеты «Чыгуначнік Беларусі». Нагадаем, у Рэспубліцы Беларусь 2018-2020 гады прайшлі пад знакам Года малой радзімы. На працягу трох гадоў на старонках галіновага выдання выйшлі публікацыі аб усіх 118 раёнах краіны. Варта адзначыць, што ў цяперашні час чыгунка праходзіць па тэрыторыі 99 з іх і ахоплівае больш за 2000 населеных пунктаў Беларусі.

У аснове кожнага артыкула гісторыя, прыроднае багацце, знакамітыя землякі і самыя прыкметныя славутасці рэгіёну плюс асабістае стаўленне да гэтага кутка роднай Беларусі, прадстаўленае вачыма чыгуначнікаў-ураджэнцаў гэтых мясцін.
Чытаць далей…
17 снежня 2020
Мабільны дадатак «БЧ. Мой поезд» стаў даступны для прылад з аперацыйнай сістэмай HarmonyOS

Беларуская чыгунка працягвае работу па пашырэнні даступнасці электронных сэрвісаў. Чарговым этапам стаў выпуск версіі афіцыйнага дадатка «БЧ.Мой поезд» на платформе аперацыйнай сістэмы HarmonyOS.

Афіцыйны мабільны дадатак «БЧ. Мой поезд» у снежні 2019 года быў прадстаўлены для карыстальнікаў мабільных прылад з аперацыйнымі сістэмамі Android і iOS. У сапраўдны момант ужо больш за 171 000 чалавек усталявалі мабільны дадатак «БЧ. Мой поезд» на свае прылады на платформах Android і iOS.

Аперацыйная сістэма HarmonyOS з 2019 года прымяняецца ў мабільных прыладах брэндаў Huawei і Honor.
Чытаць далей…
16 снежня 2020
«Прышчэпка» бяспечных паводзін. 18 снежня Беларуская чыгунка праводзіць акцыю «Стоп – няправільны крок»

Беларуская чыгунка сумесна з галіновым камітэтам ГА «БРСМ» і аддзеламі ўнутраных спраў на транспарце Міністэрства ўнутраных спраў Беларусі 18 снежня з 11.00 да 14.00 ва ўсіх абласцях рэспублікі правядзе акцыю «Стоп – няправільны крок».

Мерапрыемствы пройдуць на чыгуначных аб'ектах і ўчастках, на якіх была адзначана найбольшая колькасць парушэнняў пры пераходзе пуцей і звязаных з гэтым няшчасных выпадкаў. З парушальнікамі правядуць тлумачальныя гутаркі, уручаць ім памяткі прысвечаныя бяспекі на чыгуначным транспарце, а таксама рэкамендацыі па прафілактыцы каронавіруснай інфекцыі COVID-19.

Мэтай правядзення акцыі «Стоп – няправільны крок!» з'яўляецца інфармаванне грамадзян аб правілах паводзін пры знаходжанні на аб'ектах чыгуначнага транспарту, зніжэнне колькасці парушэнняў правілаў пераходу чыгуначных пуцей ў неўсталяваных месцах і звязаных з гэтым выпадкаў траўматызму, а таксама прафілактыка правапарушэнняў на аб'ектах БЧ з удзелам непаўналетніх.
Чытаць далей…
11 снежня 2020
Відэанавіны Беларускай чыгункі (130 выпуск)
Сёння ў выпуску:
07 снежня 2020
9 снежня адкрываецца папярэдні продаж білетаў на цягнік «Навагодні экспрэс» Дзіцячай чыгункі ім. К.С.Заслонова

У першае навагодняе падарожжа ў цяперашнім святочным сезоне цягнік Дзіцячай чыгункі ім. К.С. Заслонава адправіцца 24 снежня ў 12.40. Ён будзе курсіраваць па Дзіцячай чыгунцы ў дні зімовых канікул, калядных і навагодніх святаў з 24 снежня 2020 года па 7 студзеня 2021 года ўключна.

24 снежня 2020 года цягнік зробіць два рэйса ў 12.40 і 16.00.

25, 26, 27 снежня 2020 года і 2, 3 і 7 студзеня 2021 года можна будзе здзейсніць падарожжа на «Навагоднім экспрэсе» ў 11.00, 12.40, 14.20 і 16.00.

31 снежня 2020 года цягнік адправіцца са станцыі «Заслонава» ў 11.00, 12.40 і 14.20, а 1 студзеня 2021 года - у 12.40, 14.20 і 16.00.
Чытаць далей…
03 снежня 2020
Год таму заработал мабільны дадатак «БЧ. Мой поезд» і адзіны раздзел «Паслугі пасажырам» на афіцыйным сайце Беларускай чыгункі

З 2 снежня 2019 года карыстальнікам смартфонаў і планшэтаў сталі даступныя афіцыйны мабільны дадатак Беларускай чыгункі «БЧ.Мой поезд» і абноўлены раздзел «Паслугі пасажырам» на сайце pass.rw.by.

У дадзеных сэрвісах маецца магчымасць афармлення праязных дакументаў на цягнікі з нумараванымі і ненумараванымі месцамі. Таксама карыстальнікам даступны сэрвіс «Анлайн-табло», іх асабісты кабінет, падрабязная даведачная інфармацыя па пытаннях, звязаных з перавозкай пасажыраў і багажу, а на сайце pass.rw.by дадаткова - падрабязная інфармацыя пра вакзалы і пункты продажу білетаў, дадатковыя паслугі для пасажыраў .

З моманту запуску новых электронных сэрвісаў з іх дапамогай было аформлена звыш 2 800 000 білетаў на цягнікі з нумараванымі і ненумараванымі месцамі.
Чытаць далей…
03 снежня 2020
Беларуская чыгунка надае асаблівую ўвагу перавозцы пасажыраў з абмежаванымі фізічнымі магчымасцямі

3 снежня адзначаецца Міжнародны дзень інвалідаў і Дзень інвалідаў Рэспублікі Беларусь.

Стварэнне даступнага асяроддзя для фізічна аслабленых асоб ажыццяўляецца на Беларускай чыгунцы ў адпаведнасці з дзяржаўнай сацыяльнай палітыкай Рэспублікі Беларусь. Асноўнай мэтай дадзенай работы з'яўляецца павышэнне даступнасці і бяспекі пасажырскіх перавозак для ўсіх катэгорый грамадзян.

Штогод пры правядзенні капітальных рамонтаў на аб'ектах чыгуначнага транспарту рэалізуецца комплекс тэхнічных і арганізацыйных рашэнняў, якія павінны зрабіць паездку пасажыраў з абмежаванымі фізічнымі магчымасцямі камфортнай і зручнай.
Чытаць далей…
02 снежня 2020
Беларуская чыгунка ўпрыгожыць найбуйнейшыя вакзалы краіны да калядных і навагодніх свят

Беларуская чыгунка пачала ўпрыгожваць вакзальные комплексы.

Да навагодніх і калядных святаў ужо змяніўся чыгуначны вакзал станцыі Мінск-Пасажырскі. Пры афармленні залаў выкарыстоўваліся гірлянды ў чырвона-залатой і сіне-срэбнай каляровай гаме. Навінкай гэтага года сталі пухнатыя ялінкі з фібраоптыкай, устаноўленыя паміж эскалатарамі.
Чытаць далей…