Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Кіраўніцтва Беларускай чыгункі прыняло ўдзел у навагодняй дабрачыннай акцыі «Нашы дзеці»

22 снежня 2020

22 снежня ў рамках рэспубліканскай дабрачыннай акцыі «Нашы дзеці» кіраўніцтва Беларускай чыгункі сустрэлася з навучэнцамі Ждановіцкай спецыяльнай агульнаадукацыйнай школы-інтэрната.

У цяперашні час у школе-інтэрнаце навучаюцца 83 вучня (інваліды дзяцінства па слыху) ва ўзросце ад 4 да 18 гадоў з усіх рэгіёнаў Беларусі, у асноўным са шматдзетных і малазабяспечаных сем'яў.

Чыгуначнікі павіншавалі дзяцей з надыходзячым Новым годам, а Дзед Мароз і Снягурка ўручылі салодкія падарункі, прадастаўленыя прафсаюзным камітэтам Упраўлення БЧ. Творчыя калектывы сталічнага Палаца культуры і спорту чыгуначнікаў падарылі выхаванцам святочную праграму. Перад хлопцамі выступілі ўдзельнікі ўзорнага ансамбля танца «Цягнічок», заслужанага аматарскага калектыву Рэспублікі Беларусь ансамбля эстраднага танца «Гарэзныя агеньчыкі», студыі бальнага танца, а таксама салістка заслужанага аматарскага калектыву Рэспублікі Беларусь цыркавой студыі «Белая Русь» Аліна Іванова.

У сваю чаргу выхаванцы школы-інтэрната падрыхтавалі для гасцей творчыя нумары мастацкай самадзейнасці.

Беларуская чыгунка традыцыйна ўдзельнічае ў дабрачыннай акцыі «Нашы дзеці». Выступаючы перад навучэнцамі, намеснік Начальніка Беларускай чыгункі Пётр Стоцкі адзначыў, што такія сустрэчы маюць асаблівую важнасць. Яны даюць магчымасць акружыць дзяцей цяплом і клопатам, стварыць атмасферу свята, падарыць надзею і веру ў казку. Ён пажадаў дзецям моцнага здароўя, поспехаў у вучобе, шчасця і ажыцяўлення ў жыццё самых запаветных жаданняў. Таксама самыя цёплыя словы віншавання з надыходзячымі навагоднімі і каляднымі святамі выхаванцам школы-інтэрната адрасавала старшыня прафсаюзнага камітэта Упраўлення БЧ Святлана Лукашэвіч.

Ужо сёмы год запар кіраўніцтва магістралі напярэдадні Новага года сустракаецца з выхаванцамі Ждановіцкай спецыяльнай агульнаадукацыйнай школы-інтэрната і дарыць ім падарункі. У гэтым годзе па хадайніцтве БЧ, як аднаго з акцыянераў, дабрачынную дапамогу на ўмацаванне матэрыяльна-тэхнічнай базы ў суме 1 млн расійскіх рублёў школе-інтэрнату аказала АТ «Аб'яднаная транспартна-лагістычная кампанія — Еўразійскі чыгуначны альянс» (АТЛК ЕРА), у склад якой уваходзяць чыгуначныя адміністрацыі Расіі, Казахстана і Беларусі. Нагадаем, што па ініцыятыве Беларускай чыгункі кампанія ўжо аказвала дабрачынную дапамогу дадзенай установе адукацыі ў 2019 годзе ў памеры 500 тысяч расійскіх рублёў.

Для арганізацый Беларускай чыгункі ўжо стаў добрай традыцыяй ўдзел у навагодняй дабрачыннай акцыі «Нашы дзеці». Штогод чыгуначнікі наведваюць падшэфныя ўстановы, аказваюць ім спонсарскую дапамогу, арганізоўваюць канцэртныя праграмы. У гэтым годзе навагодні дабрачынны марафон будзе доўжыцца з 10 снежня 2020 года па 10 студзеня 2021 года. За час правядзення акцыі «Нашы дзеці» чыгуначнікі плануюць наведаць больш за 50 розных устаноў ва ўсіх рэгіёнах Беларусі: дзіцячыя дамы, школы, сацыяльна-педагагічныя цэнтры, шматдзетныя і малазабяспечаныя сем'і і аказаць матэрыяльную падтрымку больш за 2,5 тысячам дзяцей.


Інфармацыя падрыхтавана прэс-цэнтрам БЧ

Да спісу навін за 2020 год