У чэрвені Беларуская чыгунка адкрые рэгулярны рух электрацягнікоў па маршруце Светлагорск–Жлобін–Мінск
09 чэрвеня 2020
Завяршаецца электрыфікацыя ўчастка Жлобін-Падольскі–Светлагорск-на-Бярэзіне. У цяперашні час пачаты выпрабавальныя і прыёмачныя работы з наступным уводам электрыфікаванага ўчастка ў доследную эксплуатацыю.
Для арганізацыі пасажырскіх зносін, якія злучаюць Светлагорск з Жлобінам і Мінскам, распрацаваны графік руху цягнікоў рэгіянальных ліній саставамі ЭПр, а Светлагорск з Гомелем саставамі ЭР9.
Электрыфікацыя ўчастка Жлобін-Падольскі–Светлагорск-на-Бярэзіне і адкрыццё рэгулярнага руху электрацягнікоў – гэта адзін з этапаў рэалізацыі інвестыцыйнага праекта па электрыфікацыі ўчастка Жлобін–Калінкавічы–Барбароў працягласцю 141 км, які плануецца завяршыць да канца 2021 года. Гэта ў перспектыве дазволіць арганізаваць рух пасажырскіх і грузавых цягнікоў на электравознай цязе па дадзеным маршруце.
Інфармацыя падрыхтавана прэс-цэнтрам БЧ