Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language

Карпаратыўныя навіны

Хуткі агляд 2020 года

Красавік

  • Купі білет на цягнік і атрымай святочную паштоўку! Беларуская чыгунка правядзе акцыю «Павіншуй родных разам з БЧ»
    24 красавіка 2020
    Купі білет на цягнік і атрымай святочную паштоўку! Беларуская чыгунка правядзе акцыю «Павіншуй родных разам з БЧ»

    З 1 па 10 мая Беларуская чыгунка на вакзалах у Мінску, Брэсце, Гомелі, Магілёве, Віцебску, Гродна і Баранавічах правядзе акцыю «Павіншуй родных разам з БЧ», прысвечаную 75-й гадавіне Перамогі савецкага народа ў Вялікай Айчыннай вайне.

    Пры куплі білета ў чыгуначных касах жадаючыя змогуць атрымаць паштоўку, вырабленую на аснове прац удзельнікаў тэматычнага конкурсу сярод дзяцей чыгуначнікаў. Паштоўку можна будзе падпісаць прама на чыгуначным вакзале і адправіць сваім блізкім і знаёмым.

    Акцыя арганізавана ў мэтах прыцягнення ўвагі да пытанняў ваенна-патрыятычнага выхавання моладзі, захавання пераемнасці пакаленняў, памяці пра подзвігі і незлічоныя ахвяры нашых бацькоў, дзядоў і прадзедаў. Таксама яна накіравана на тое, каб у гэтыя святочныя дні максімальна акружыць цяплом і клопатам ветэранаў Вялікай Айчыннай вайны.

    Чытаць далей…
  • Да 75-й гадавіны Перамогі савецкага народа ў Вялікай Айчыннай вайне Беларуская чыгунка ўпрыгожыць найбуйнейшыя вакзалы краіны
    20 красавіка 2020
    Да 75-й гадавіны Перамогі савецкага народа ў Вялікай Айчыннай вайне Беларуская чыгунка ўпрыгожыць найбуйнейшыя вакзалы краіны

    У рамках святкавання 75-й гадавіны Перамогі савецкага народа ў Вялікай Айчыннай вайне Беларуская чыгунка пачала ўпрыгожваць найбуйнейшыя чыгуначныя вакзалы.

    Да канца гэтага тыдня ў будынках буйных чыгуначных вакзалаў з'явяцца спецыяльна вырабленыя святочныя канструкцыі ў выглядзе Цягніка Перамогі, інфармацыйныя плакаты і расцяжкі. Яны будуць радаваць жыхароў і гасцей нашай краіны да 8 верасня 2020 года.

    Першымі прыступілі да афармлення чыгуначных вакзалаў у Мінску, Гомелі і Баранавічах.

    Акрамя таго, на ўсіх чыгуначных вакзалах з 1 па 9 мая і з 26 чэрвеня па 3 ліпеня будуць гучаць віншаванні з 75-годдзем Перамогі савецкага народа ў Вялікай Айчыннай вайне і з Днём вызвалення Беларусі ад нямецка-фашысцкіх захопнікаў.



    Чытаць далей…
  • 14 красавіка 2020
    Беларуская чыгунка ўводзіць у цягніках з нумараванымі месцамі рассадку з улікам рэкамендаванай сацыяльнай дыстанцыі

    З 15 па 29 красавіка 2020 года праязныя дакументы на цягнікі фарміравання Беларускай чыгункі з нумараванымі месцамі будуць афармляцца з выкарыстаннем новай схемы рассадкі ў вагонах.

    Рассадка па новай схеме з'яўляецца часовай мерай, якая дасць магчымасць пасажырам выконваць неабходную сацыяльную дыстанцыю ў купэйных, плацкартных вагонах і ў вагонах з месцамі для сядзення, і рэкамендавана Міністэрствам аховы здароўя Рэспублікі Беларусь у сувязі з неспрыяльнай эпідэміялагічнай сітуацыяй.

    Згодна з новай схемай рассадкі у купэйных вагонах будуць размяшчацца не больш за два пасажыры у купэ, у плацкартных - не больш за тры ў адным адсеку. Для пасажыраў, якія аформілі праязныя дакументы ў адным заказе, дазваляецца продаж і 3 і 4 месцаў у купэ, пры ўмове, што да гэтага ў купэ ніводнага месца не было прададзена.

    Пры афармленні праязных дакументаў у вагоны з месцамі для сядзення схема рассадкі пасажыраў залежыць ад іх канфігурацыі – 2 + 2 ці 3 + 2. У двухмесным радзе пасажыр займае месца каля акна, у трохмесным - адзін пасажыр каля акна, а другі – праз месца каля праходу (сярэдні рад застаецца свабодным).

    Чытаць далей…
  • 1 красавіка 2020 года на Беларускай чыгунцы створана новае прадпрыемства па рамонце пуці
    03 красавіка 2020
    1 красавіка 2020 года на Беларускай чыгунцы створана новае прадпрыемства па рамонце пуці

    У мэтах павышэння бяспекі руху цягнікоў, прадукцыйнасці працы і эканамічнай эфектыўнасці рамонту чыгуначных пуцей на БЧ створана новае прадпрыемства – РУП «Рэмпуць Беларускай чыгункi».

    Дадзенае прадпрыемства створана на базе РУП «Пуцявая машынная станцыя № 71» шляхам далучэння да яго шасці пуцявых машынных станцый Беларускай чыгункі. Кожная з гэтых арганізацый з'яўлялася самастойнай юрыдычнай асобай, але пры гэтым ажыццяўляла тыпавую дзейнасць па рамонце і будаўніцтве чыгуначных пуцей. Гэта выклікала пэўныя цяжкасці арганізацыйнага і эканамічнага характару пры іх узаемадзеянні па выкарыстанні рамонтных машын, механізмаў і персаналу.

    Стварэнне новага прадпрыемства «Рэмпуць Беларускай чыгункі» дазволіла сканцэнтраваць спецыялізаваную тэхніку і тэхналагічныя працэсы па відах правядзення рамонтных работ, што будзе садзейнічаць больш рацыянальнаму выкарыстанню матэрыяльных і працоўных рэсурсаў.

    Таксама стварэнне адной юрыдычнай асобы дазволіць павысіць эфектыўнасць прыняцця кіраўніцкіх рашэнняў. Начальнікам новага прадпрыемства прызначаны Меньшыкаў Алег Віктаравіч,  які раней кіраваў службай пуці Упраўлення Беларускай чыгункі.

    Чытаць далей…
  • 02 красавіка 2020
    Беларуская чыгунка за 3 месяцы 2020 года на 7,5% павялічыла перавозку грузаў унутры рэспублікі

    Беларуская чыгунка паводле папярэдніх даных за 3 месяцы 2020 года перавезла ўнутры рэспублікі 8 млн тон грузаў або 107,5% да аналагічнага перыяду 2019 года.

    Чытаць далей…
  • 01 красавіка 2020
    Беларуская чыгунка падвяла вынікі галіновага спаборніцтва за 2019 год

    Беларуская чыгунка падвяла вынікі галіновага спаборніцтва і вызначыла лепшыя калектывы аддзяленняў, арганізацый, адасобленых структурных падраздзяленняў, даччыных прадпрыемстваў арганізацый БЧ за 2019 год. Адпаведнае рашэнне падпісана Начальнікам Беларускай чыгункі Уладзімірам Марозавым і старшынёй Аб'яднанай галіновай прафсаюзнай арганізацыі чыгуначнікаў і транспартных будаўнікоў Віктарам Какорай.

    Галіновае спаборніцтва на Беларускай чыгунцы праводзіцца штогод у мэтах стымулявання высокапрадукцыйнай працы, максімальнага выканання прагнозных і планавых паказчыкаў, забеспячэння бяспекі руху цягнікоў і аховы працы.

    Па выніках працы за 2019 год у спаборніцтве сярод 6 аддзяленняў Беларускай чыгункі пераможцам прызнаны калектыў Гомельскага аддзялення. Другое месца прысуджана Баранавіцкаму аддзяленню БЧ. Трэцяга месца ўдастоена Брэсцкае аддзяленне беларускай магістралі.

    Сярод унітарных прадпрыемстваў пераможцам стаў калектыў Дзяржаўнага прадпрыемства «Інстытут «Белчыгунпраект», другое месца прысуджана РУП «Галоўны разліковы інфармацыйны цэнтр» БЧ, трэцяе месца заваяваў калектыў Дзяржаўнага прадпрыемства «БТЛЦ».

    Чытаць далей…