Начальнік Беларускай чыгункі Уладзімір Марозаў правёў рабочую сустрэчу са Старшынёй Праўлення ААТ «АСБ Беларусбанк» Віктарам Ананічам

28 лютага 2020

27 лютага ў Мінску ў Цэнтры кіравання перавозкамі адбылася сустрэча прадстаўнікоў Беларускай чыгункі і ААТ «АСБ Беларусбанк». Дэлегацыю БЧ ўзначаліў Начальнік чыгункі Уладзімір Марозаў, дэлегацыю ААТ «АСБ Беларусбанк» - Старшыня Праўлення Віктар Ананіч.

У ходзе сустрэчы бакі абмеркавалі актуальныя пытанні двухбаковага партнёрства. Асаблівая ўвага была ўдзелена перспектыўным напрамкам супрацоўніцтва, уключаючы планы па арганізацыі фінансавання стратэгічна значных для Беларускай чыгункі і Рэспублікі Беларусь інвестыцыйных праектаў.

У ходзе сустрэчы бакі адзначылі значны маштаб ўзаемадзеяння БЧ і ААТ «АСБ Беларусбанк». Беларуская чыгунка з 2002 года аднесена банкам да разраду карпаратыўных кліентаў першага класа. Вынікам доўгатэрміновага ўзаемавыгаднага супрацоўніцтва дзвюх найбуйнейшых у сваіх сферах дзейнасці дзяржаўных кампаній з'яўляецца рэалізацыя цэлага шэрагу знакавых для краіны інвестыцыйных праектаў па абнаўленні пасажырскага і грузавога чыгуначнага рухомага саставу, развіццю аб'ектаў чыгуначнай інфраструктуры, укараненню сістэмы безнаяўных разлікаў па афармленні электронных праязных дакументаў праз Інтэрнэт.

Па выніках сустрэчы бакі ўзгаднілі парадак далейшых дзеянняў па вызначэнні стратэгічных напрамкаў супрацоўніцтва на 2021-2025гг. і пацвердзілі прыхільнасць адзіным падыходам шматгадовага супрацоўніцтва.

Таксама ў рамках мерапрыемства для прадстаўнікоў ААТ «АСБ Беларусбанк» была арганізавана азнаямляльная тэхнічная экскурсія па новым Цэнтры кіравання перавозкамі Беларускай чыгункі.

Інфармацыя падрыхтавана прэс-цэнтрам БЧ