.png)
Паслугамі БЧ пры праездзе на «Славянскі базар у Віцебску» ў гэтым годзе скарысталіся на 30% пасажыраў больш, чым у 2018
22 ліпеня 2019
Беларуская чыгунка ўжо дзевяты год запар арганізоўвае курсіраванне дадатковага цягніка ў зносінах Мінск—Віцебск на час правядзення «Славянскага базару».
У гэтым годзе цягнік курсіраваў штодня з Мінска з 8 па 19 ліпеня, а з Віцебска з 9 па 20 ліпеня. За час правядзення ХХVIII Міжнароднага фестывалю мастацтваў «Славянскі базар у Віцебску» яго паслугамі скарысталіся 4 тысячы 762 пасажыра. У параўнанні з папярэднім годам аб'ём перавезеных пасажыраў павялічыўся больш чым на тысячу чалавек ці 30,4%.
Цягнік быў запатрабаваны, у тым ліку, з улікам узгодненасці яго раскладу з праграмай правядзення «Славянскага базару». Гасцям фестывалю была прадастаўлена магчымасць да пачатку вячэрніх канцэртаў азнаёміцца з выдатнымі мясцінамі горада на Заходняй Дзвіне, акунуцца ў атмасферу свята і з камфортам вярнуцца назад у сталіцу.
Інфармацыя падрыхтавана прэс-цэнтрам БЧ
Да спісу навін за 2019 год
