Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Напярэдадні Свята працы на Беларускай чыгунцы ўзнагародзілі лепшых работнікаў галіны

30 красавіка

30 красавіка ў Мінскім Палацы культуры і спорту чыгуначнікаў адбылася цырымонія ўзнагароджання пераможцаў дарожнага конкурсу «Лепшы па прафесіі на чыгуначным транспарце» і галіновага спаборніцтва за 2018 год.

У конкурсе «Лепшы па прафесіі на чыгуначным транспарце» у 2018 годзе прымалі ўдзел прадстаўнікі 120 розных прафесій і спецыяльнасцей. Гэта дзяжурныя па станцыі і складальнікі цягнікоў, машыністы лакаматываў і іх памочнікі, рэвізоры руху і дыспетчары, білетныя касіры і праваднікі пасажырскіх вагонаў і інш. Па выніках конкурсу пераможцамі прызнаны 120 работнікаў беларускай магістралі.

Яшчэ адной добрай традыцыяй на Беларускай чыгунцы з'яўляецца правядзенне штогадовага галіновага спаборніцтва, па выніках якога вызначаюцца лепшыя калектывы аддзяленняў, арганізацый, адасобленых структурных падраздзяленняў, даччыных прадпрыемстваў арганізацый БЧ.

Па выніках працы за мінулы год у спаборніцтве сярод 6 аддзяленняў Беларускай чыгункі пераможцам прызнаны калектыў Гомельскага аддзялення. Другое месца прысуджана Брэсцкаму аддзяленню БЧ. Трэцяга месца ўдастоена Магілёўскае аддзяленне беларускай магістралі.



Сярод унітарных прадпрыемстваў пераможцам стаў калектыў УП «БЕЛТРАНСАЎТАМАТЫКА», другое месца прысуджана дзяржаўнаму прадпрыемству «Інстытут «Белчыгунпраект», трэцяе месца заваяваў калектыў РУП «Дарвадаканал».

Сярод калектываў арганізацый, адасобленых структурных падраздзяленняў, даччыных прадпрыемстваў арганізацый БЧ вызначаны 24 пераможца галіновага спаборніцтва за 2018 год.

Заслужаныя ўзнагароды пераможцам уручыў Начальнік Беларускай чыгункі Уладзімір Марозаў. Ён падзякаваў чыгуначнікаў за адданасць абранай прафесіі і вернасць традыцыям. Уладзімір Марозаў таксама адзначыў, што дзякуючы працавітасці і прафесіяналізму работнікаў у мінулым годзе Беларускай чыгунцы ўдалося дасягнуць рэкорднай пагрузкі за апошнія 15 гадоў і рэкорднага грузаабароту за мінулыя 10 гадоў. «2018 год паказаў, што для таго каб рухацца наперад неабходна абнаўляць рухомы састаў, развіваць інфраструктуру. У 2019 годзе каля 600 млн рублёў будзе накіравана на рэалізацыю інвестыцыйных праектаў на беларускай магістралі. Але самая галоўная наша інвестыцыя — гэта чалавек працы», — рэзюмаваў Начальнік БЧ.

З віншаваннямі да ўзнагароджаных таксама звярнуўся Старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Валерый Страмук. Ён адзначыў важнасць таго, што традыцыйна цырымонія ўзнагароджання перадавікоў вытворчасці дарогі праходзіць напярэдадні Свята працы — 1 мая, а таксама пажадаў работнікам беларускай магістралі моцнага здароўя, новых поспехаў і дасягненняў.

Трэба адзначыць, што на Беларускай чыгунцы працуюць работнікі больш за 300 прафесій і спецыяльнасцей. Агульная колькасць працоўнага калектыву складае больш за 70 тысяч чалавек.


Інфармацыя падрыхтавана прэс-цэнтрам БЧ

Да спісу навін за 2019 год