Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Сёння ў Магілёве пачаў работу 5-ы юбілейны злёт машыністаў

23 лістапада 2018

Урачыстае адкрыццё форуму адбылося ў Магілёўскім Доме культуры чыгуначнікаў. На злёт прыехалі 125 машыністаў і машыністаў-інструктараў з 17 лакаматыўных дэпо Беларускай чыгункі. Сярод удзельнікаў форуму — кіраўнікі беларускай магістралі, ветэраны працы, якія ў розныя гады ўзначальвалі лакаматыўнае дэпо беларускай магістралі і ўнеслі значны ўклад у яе развіццё і забеспячэнне стабільнай працы, калегі з чыгуначных адміністрацый Расіі, Латвіі, Літвы, Украіны.

Адкрыў юбілейны злёт Начальнік Беларускай чыгункі Уладзімір Марозаў. У сваім выступе ён адзначыў важную ролю прафесіі машыніста: «Вы забяспечваеце завяршальны этап вырашэння нашай галоўнай задачы — перавозку пасажыраў і грузаў, нясёце адказнасць за іх бяспеку і выкананне графіка руху». Пры гэтым падкрэсліў, што за восем гадоў з моманту правядзення першага злёту ў 2010 годзе, які праходзіў у Лідзе, дадзеныя мерапрыемствы сталі эфектыўнай пляцоўкай для абмеркавання актуальных пытанняў працы і ўзаемадзеяння галіновых службаў БЧ. Усе агучаныя на злётах канструктыўныя прапановы кладуцца ў аснову доўгатэрміновай стратэгіі развіцця не толькі лакаматыўнага комплексу, але і іншых гаспадарак дарогі. Важныя і знамянальныя падзеі, якія адбыліся на дарозе за мінулыя восем гадоў, сталі новым перыядам вялікіх пераўтварэнняў.

На развіццё інфраструктуры, абнаўленне рухомага саставу, укараненне сучасных тэхналогій было накіравана больш за 3,1 млрд рублёў.

Інвестыцыі ў абнаўленне рухомага саставу дазволілі набыць 12 пасажырскіх цеплавозаў серыі ТЭП70БС, 18 электрацягнікоў серыі ЭП, 13 дызель-цягнікоў серыі ДП, 30 электравозаў серыі БКГ, мадэрнізавана 161 секцыя грузавых і манеўровых лакаматываў серый 2ТЭ10, 2М62, ЧМЭ, выраблена 20 манеўровых цеплавозаў серыі ТМЭ3.

Набыта больш за 10 тысяч грузавых вагонаў і больш за 100 пасажырскіх. На абнаўленне рухомага саставу было накіравана 1,4 млрд рублёў. Да 2020 года плануецца закупіць яшчэ 10 сучасных электрацягнікоў серыі ЭП, 6 дызель-цягнікоў серыі ДП, больш за 60 пасажырскіх вагонаў і не менш за 2,5 тысячы грузавых вагонаў.

Дзякуючы інвестыцыям у інфраструктуру дарога актыўна працягвае працу па электрыфікацыі участкаў чыгуначных ліній і ўкараненню прылад мікрапрацэсарнай цэнтралізацыі. У бягучым годзе пачаты работы па электрыфікацыі ўчастка ЖлобінКалінкавічы працягласцю 141 км. А таксама па ўкараненні мікрапрацэсарнай цэнтралізацыі на ўчастку ЖлобінКалінкавічыСлавечна, у планах — у Гомельскім чыгуначным вузле. Таксама адзначыў, што 45% грузаў па БЧ перавозіцца па электрыфікаваных участках.

За мінулыя 8 гадоў на мадэрнізацыю пуцявой інфраструктуры было накіравана амаль 1 млрд рублёў. Рознымі відамі рамонту адрамантавана больш за 4 тысячы кіламетраў пуці і 200 штучных збудаванняў, выкладзена каля 2,5 тысяч новых стрэлачных перакладаў. Да 2020 года рознымі відамі рамонту плануецца адрамантаваць яшчэ больш за 800 кіламетраў пуці, 60 штучных збудаванняў і абкласці парадку 500 камплектаў новых стрэлачных перакладаў.

Таксама ў сваім выступе Уладзімір Марозаў адзначыў неабходнасць пошуку новых падыходаў у развіцці пасажырскага і грузавога комплексаў. У пасажырскім — важным прыярытэтам па-ранейшаму застаецца павышэнне хуткасцяў руху цягнікоў і скарачэнне часу ў дарозе. У бліжэйшыя 2 гады ў планах дарогі скарачэнне часу паміж сталіцай і абласнымі цэнтрамі да 2,5 гадзін. Далейшае развіццё будзе і ў гарадскіх ліній. Да 2020 года плануецца арганізаваць перавозкі цягнікамі гарадскіх ліній па маршруце МінскДзяржынск.

Актыўна ідзе праца па ўкараненні сучасных тэхналогій у сегменце пасажырскіх перавозак, расце продаж білетаў праз Інтэрнэт. Доступам да Інтэрнэту па сістэме Wi-Fi (вай-фай) аснашчаны ўсе чыгуначныя вакзалы краіны, а таксама цягнікі міжрэгіянальных ліній бізнес-класа ЭПМ. Вядзецца праца па аснашчэнню доступам да Інтэрнэту астатняга сучаснага маторвагоннага рухомага саставу.

Вялікую ролю выконваюць грузавыя перавозкі. Існуючая інфраструктура дазваляе дарозе штосутачна прымаць і адпраўляць па міждзяржаўных стыкавых пунктах больш за 185 пар цягнікоў.

На сённяшні дзень на дарозе створана сучасная тэрмінальная інфраструктура. Актыўна развіваюцца кантэйнерныя перавозкі. Рэалізуюцца інвестыцыйныя праекты па мадэрнізацыі тэрмінальнай гаспадаркі на беларуска-польскіх пагранічных пераходах. Гэта дазволіць павялічыць перапрацоўчую здольнасць па перагрузцы кантэйнераў у 1,7 разоў, плошчы захоўвання кантэйнераў у 2 разы. Вялікая ўвага надаецца і ўкараненню інфармацыйных тэхналогій, накіраваных на павышэнне эфектыўнасці перавозачнага працэсу.

Вялікую ўвагу Начальнік дарогі ўдзяліў рабоце лакаматыўнай гаспадаркі і падкрэсліў, што ў структуры выдаткаў па перавозках яно займае больш за 36%. На яго долю прыпадае амаль 18% асноўных фондаў дарогі. Уладзімір Марозаў адзначыў: «Адным з найважнейшых напрамкаў развіцця і павышэння эфектыўнасці працы лакаматыўнай гаспадаркі з'яўляецца стварэнне аптымальных умоў для павышэння якасці абслугоўвання рухомага саставу, у першую чаргу інавацыйнага, з максімальным выкарыстаннем існуючых вытворчых плошчаў і тэхналагічнага абсталявання лакаматыўных дэпо». Асабліва падкрэсліў, што за мінулыя гады ў шэрагу лакаматыўных дэпо праведзена рэканструкцыя вытворчых магутнасцяў і ўведзены ў эксплуатацыю рамонтныя пазіцыі для розных відаў абслугоўвання парку рухомага саставу. На вытворчых участках лакаматыўных дэпо БЧ знойдзены найбольш эфектыўныя шляхі развіцця рамонтнай базы за кошт пераабсталявання і аптымізацыі работы наяўных вытворчых участкаў. Тэхналагічны працэс распрацаваны з улікам максімальнага выкарыстання наяўнага ў дэпо стэндавага, выпрабавальнага і станочнага парку. Дзякуючы сваім мерам за 8 гадоў знос асноўных сродкаў па лакаматыўнай гаспадарцы знізіўся больш чым на 30%.

Таксама Начальнік дарогі надаў ўвагу пытанням бяспекі і аховы працы, заклікаў калектыў да іх найстражэйшага захавання і падкрэсліў ролю кадравага патэнцыялу.

Сёння агульная колькасць работнікаў лакаматыўных брыгад складае больш за 6 тысяч чалавек, з якіх 3597 машыністаў 2 514 памочнікаў машыністаў лакаматываў. З іх амаль 38% мае вышэйшую і сярэднюю спецыяльную адукацыю. Больш за 74% мае стаж работы звыш 10 гадоў, а 40% звыш 20 гадоў. Аб высокім прафесійным узроўні машыністаў кажа і той факт, што 330 работнікаў маюць першы клас, а 1207 машыністаў другі клас кваліфікацыі. Штогод іх колькасць узрастае.

Пры гэтым адзначыў, што будзе працягвацца праца па далейшым удасканаленні сістэмы аплаты працы і павышэнню матывацыі ўсіх катэгорый работнікаў дарогі, уключаючы лакаматыўнае брыгады, павышэнню кваліфікацыі работнікаў лакаматыўных брыгад, пытаннях аховы здароўя чыгуначнікаў.

У бягучым годзе ў здраўніцах Беларускай чыгункі ўжо аздаравіўся кожны 8-ы працаўнік лакаматыўнай брыгады.

На дарозе маюцца ўсе ўмовы не толькі для эфектыўнай працы, але і для годнага заахвочвання нашых работнікаў. З моманту правядзення першага злёту машыністаў 967 работнікаў лакаматыўных брыгад ўзнагароджаны дзяржаўнымі і галіновымі ўзнагародамі. Сярод іх 338 чалавек удастоены нагруднага знака «За  прабег на лакаматыве 1000000 км без ніякіх аварый» і 171 чалавек — знака «За  прабег на лакаматыве 500000 км без ніякіх аварый».

У рамках Пятага юбілейнага злёту заслужаныя ўзнагароды будуць уручаны яшчэ 52 машыністам беларускай магістралі, а таксама ветэранам працы лакаматыўнай гаспадаркі.

На адкрыцці форуму з прывітальным словам таксама выступіў старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Валерый Страмук.

Прыемным момантам злёту стала выступленне ад імя прысутных у зале ветэранаў Беларускай чыгункі Віктара Нічыпаравіча Андрыянава, які з 1978 па 1986 год узначальваў лакаматыўнае дэпо Асіповічы.

Традыцыйна ўдзел у злётах прымаюць калегі з чыгуначных кампаній. З прывітальным словам да беларускіх чыгуначнікаў звярнуўся намеснік начальніка аддзела арганізацыі працы лакаматыўных брыгад службы эксплуатацыі дырэкцыі цягі ААТ «РЖД» Георгій Юр'евіч Кіма.

Злёт працягнуў сваю працу ў фармаце пяці круглых тэматычных сталоў, дзе разглядаліся актуальныя пытанні дзейнасці лакаматыўнай гаспадаркі і ў цэлым Беларускай чыгункі.

Інфармацыя падрыхтавана прэс-цэнтрам БЧ


Да спісу навін за 2018 год