Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

БЕЛ
ENG

Дэлегацыя Беларускай чыгункі прыме ўдзел у Міжнароднай канферэнцыі ў Рызе

07 верасня 2018

11 верасня ў Рызе (Латвійская Рэспубліка) пройдзе міжнародная канферэнцыя «Выклікі глабальных транспартных зносін», якая арганізуецца ГАО «Латвійская чыгунка» (ЛДЗ).

Беларускую дэлегацыю ўзначаліць першы намеснік Начальніка Беларускай чыгункі Ігар Шылаў.

У гэтым годзе дыскусіі на канферэнцыі будуць прысвечаны развіццю Латвіі як вядучага лагістычнага вузла Паўночнай Еўропы, які злучае краіны Азіі са Скандынавіяй.

Удзельнікам форума будзе прадстаўлена таксама інфармацыя аб магчымасцях БЧ па развіцці супрацоўніцтва з прадстаўнікамі транспартных кампаній Латвіі, са стратэгіяй у частцы правядзення тарыфнай палітыкі.

У ходзе канферэнцыі будуць абмяркоўвацца новыя магчымасці супрацоўніцтва паміж усімі зацікаўленымі бакамі.

Праграмай удзелу беларускай дэлегацыі ў канферэнцыі плануецца правядзенне рабочай сустрэчы з кіраўніцтвам ЛДЗ для абмеркавання актуальных пытанняў далейшай сумеснай дзейнасці.

Інфармацыя падрыхтавана прэс-цэнтрам БЧ

Да спісу навін за 2018 год