Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Арыгінальны кантэнт, яркія кадры, актуальная інфармацыя. Больш за 4 000 000 праглядаў набраў афіцыйны youtube-канал Беларускай чыгункі

24 ліпеня

Планку ў 4 000 000 праглядаў афіцыйны канал Беларускай чыгункі на відэахостынгу YouTube «пераадолеў» у ноч з 21 на 22 ліпеня.

Мэдыякантэнт канала складаюць відэаматэрыялы пераважна ўласнай вытворчасці: інфармацыйныя і навучальныя ролікі, відэа аб новых сэрвісах, правілах праезду і захаванні мер бяспекі на чыгуначным транспарце. Значны аб'ём займаюць выпускі відэанавін Беларускай чыгункі — гэта ўласны праект карпаратыўнага тэлебачання БЧ. У сюжэтах і спецыяльных рэпартажах распавядаецца пра важныя падзеі ў жыцці беларускай магістралі, тэхнічныя навінкі, сучасныя сэрвісы для пасажыраў, гісторыю дарогі, знакамітых чыгуначнікаў і працоўныя дынастыі.

Праект развіваецца з 2012 года. Толькі за апошні год размешчанае на канале відэа набрала больш за 1,5 мільёнаў праглядаў, спіс пастаянных падпісчыкаў за гэты час вырас больш чым на 2000 чалавек. У сапраўдны момант канал Беларускай чыгункі знаходзіцца ў топ-5 youtube-каналаў дзяржаўных арганізацый Рэспублікі Беларусь як па ліку падпісчыкаў, так і унікальных наведвальнікаў.

Інфармацыя падрыхтавана прэс-цэнтрам БЧ

Да спісу навін за 2018 год