Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

7 ліпеня Беларуская чыгунка адкрыла ў Магілёве Кантакт-цэнтр па арганізацыі пасажырскіх перавозак

7 ліпеня

7 ліпеня ў г. Магілёве на вакзале станцыі Магілёў прайшла ўрачыстая цырымонія адкрыцця Кантакт-цэнтра Беларускай чыгункі па прадстаўленні кругласутачнай аператыўнай інфармацыі, а таксама аказанні кансультацыйнай дапамогі грамадзянам у вырашэнні ўсіх пытанняў арганізацыі пасажырскіх перавозак.

Звязацца з Кантакт-цэнтрам можна праз адзіны нумар тэлефона 105, раздзел «Зваротная сувязь» на сайце poezd.rw.by, e-mail brail@rw.by, для аказання сітуацыйнай дапамогі асобам з абмежаванымі фізічнымі магчымасцямі па тэлефонных нумарах — +375222392547 (Белтэлекам), +375297392547 (МТС), +375296592547 (Velcom).

У Кантакт-цэнтры ўстаноўлена сучаснае праграмнае забеспячэнне, якое дазваляе забяспечваць апрацоўку не менш за 1 мільён званкоў у месяц, кантраляваць, аналізаваць з дапамогай маніторынгу і статыстычных справаздач як паказчыкі работы Кантакт-цэнтра ў цэлым, так і работу кожнага асобнага супрацоўніка.

Пры рэалізацыі праекта ўжытыя самыя сучасныя праграмна-тэхнічныя рашэнні, якія забяспечваюць высокую адмоваўстойлівасць і маштабаванасць, такія як «тонкія кліенты», IP-тэлефоны, адказаўстойлівы серверны кластар, сістэмы віртуалізацыі, базы ведаў. Кіраванне апрацоўкай нестатндартных пытанняў арганізавана праз «цікетную» сістэму.

Сістэма абслугоўвання кліентаў стане прасцей і больш эфектыўна за кошт укаранення адзіных стандартаў абслугоўвання, пераходу да падтрымкі продажаў, якія ажыццяўляюцца праз дыстанцыйныя каналы, напрыклад сайт poezd.rw.by, у рэжыме рэальнага часу. Таксама раўнамернага размеркавання ўваходных выклікаў па ўсіх «актыўных» працоўных месцах, індывідуальнага падыходу да кожнага супрацоўніку з улікам яго прафесійных ведаў і навыкаў, магчымасці прадпрымаць планавыя дзеянні па павышэнню якасці абслугоўвання выклікаў.

У рамках яго рэалізацыі на вакзалах Беларускай чыгункі (станцый Баранавічы-Палескія, Ліда, Гродна, Лунінец, Гомель, Жлобін, Калінкавічы, Крычаў, Віцебск, Полацк) укаранёны 15 інфармацыйна-даведачных тэрміналаў, у якіх устаноўлена спецыялізаванае праграмнае забеспячэнне, што дазваляе пашырыць магчымасць атрымання даведачнай інфармацыі аб раскладзе руху цягнікоў, паслугах, якія прадстаўляюцца на вакзалах.

Важна, што з дадзеных тэрміналаў ёсць магчымасць аўдыё - і відэасувязі з аператарам (дзяжурным) Кантакт-цэнтра для атрымання неабходнай даведачнай інфармацыі. Прычым для людзей з аслабленым зрокам таксама прадугледжана магчымасць аўдыё- і відэасувязі з аператарам Кантакт-цэнтра — побач з механічнай кнопкай выкліку размешчаны надпіс шрыфтам Брайля, які тлумачыць, што тут можна зрабіць аўдыё- і відэазванок.

Для забеспячэння тэхналагічнага працэсу работы Кантакт-цэнтра арганізаваны дзве аперацыйныя залы на 45 працоўных месцаў з выкарыстаннем шумапаглынальных матэрыялаў. У кожным з іх размешчаны экраны з трансляцыяй у onlin-рэжыме паказчыкаў работы. Праведзена вялікая работа па падборы і навучанні персаналу, арганізацыі сістэм сувязі і іх інтэграцыі ў сістэмы БЧ. У выніку створаны ўсе ўмовы для іх эфектыўнай работы, адпачынку і навучання.

Да сакавіка 2019 года Кантакт-цэнтр выйдзе на поўную праектную магутнасць з ахопам усіх абласцей рэспублікі і г. Мінска. Ужо сёння Кантакт-цэнтр БЧ дэманструе высокія паказчыкі якасці абслугоўвання кліентаў. Толькі за апошні месяц па нумары 105 паступіла больш за 90 тысяч запытаў, сярэдні час чакання абслугоўвання склала 15 секунд.

У мерапрыемстве прынялі ўдзел першы намеснік старшыні Магілёўскага гарадскога выканаўчага камітэта Пацёмкін Аляксандр Георгіевіч, Начальнік Беларускай чыгункі Марозаў Уладзімір Міхайлавіч, а таксама прадстаўнікі аператараў сувязі арганізацый Рэспублікі Беларусь, работнікі і ветэраны Беларускай чыгункі.

У сваім выступе Начальнік Беларускай чыгункі Уладзімір Марозаў адзначыў: «У стварэнні Кантакт-цэнтра ўвасоблены ідэі спецыялістаў розных службаў БЧ, каб па адзіным стандарце вырашаць пытанні арганізацыі пасажырскіх перавозак. Нумар 105 стане добрым таварышам і сябрам для жыхароў і гасцей Рэспублікі Беларусь». Пры гэтым дадаў, што ідэалогія Беларускай чыгункі рух без межаў.

Сёння Беларуская чыгунка рэалізуе комплекс мерапрыемстваў па развіцці электронных продажаў, удасканаленні сістэмы афармлення праязных дакументаў, развіццю сістэмы інфармацыйна-даведачнага абслугоўвання, арганізацыі эфектыўнай сістэмы падтрымкі карыстальнікаў.

«Вельмі важна, што работа Кантакт-цэнтра павышае даступнасць паслуг для асоб з абмежаванымі фізічнымі магчымасцямі», падкрэсліў Уладзімір Марозаў.

Адкрыццё Кантакт-цэнтра з'яўляецца чарговым этапам развіцця БЧ. Праект ажыццяўляўся ў цесным узаемадзеянні з арганізацыямі сувязі нашай краіны: Белтэлекам, МТС, Велком, Лайф.

Першы намеснік старшыні Магілёўскага гарадскога выканаўчага камітэта Пацёмкін Аляксандр Георгіевіч выказаў словы ўдзячнасці ўсяму калектыву Беларускай чыгункі і падкрэсліў, што адкрыццё Кантакт-цэнтра гэта і стварэнне новых працоўных месцаў і інвестыцый у горад. «Важна, што калектыў беларускай магістралі ў сваім імкненні зрабіў больш камфортнай паслугу для пасажыра, дзе ў главу вугла пастаўлены чалавек».

У рамках урачыстага мерапрыемства Начальнік Беларускай чыгункі ўручыў галіновыя ўзнагароды работнікам, якія ўнеслі дастойны ўклад у стварэнне Кантакт-цэнтра.

Інфармацыя падрыхтавана прэс-цэнтрам БЧ

Да спісу навін за 2018 год