Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Увага! Чыгуначны пераезд! Беларуская чыгунка 12 чэрвеня далучыцца да правядзення Міжнароднага дня бяспекі на пераездах

5 чэрвеня

12 чэрвеня Беларуская чыгунка правядзе шэраг мерапрыемстваў, накіраваных на папярэджанне няшчасных выпадкаў на пераездах. У кожным раёне, дзе маюцца чыгуначныя пераезды, як мінімум на адным з іх будзе арганізавана дзяжурства з удзелам работнікаў дыстанцый пуці Беларускай чыгункі і ДАІ. Вадзіцеляў праінструктуюць і ўручаць ім памяткі па бяспецы руху на чыгуначных пераездах. Акрамя таго, будзе ажыццяўляцца дадатковая праверка тэхнічнага стану пераездаў.

З пачатку гэтага года на чыгуначных пераездах з удзелам рухомага саставу адбылося 5 дарожна-транспартных здарэнняў (за аналагічны перыяд 2017 года — 5). Пры гэтым у 2018 годзе пацярпела 3 чалавекі (у 2017 годзе пацярпеў 1 чалавек).

Аналіз дарожна-транспартных здарэнняў паказвае, што большасць сутыкненняў на чыгуначных пераездах адбываецца па віне вадзіцеляў аўтатранспартных сродкаў, якія не звяртаюць увагі на паказанні пераезнай сігналізацыі, якія забараняюць выязджаюць на чыгуначны пераезд.

У эксплуатацыі на Беларускай чыгунцы знаходзяцца 1749 пераездаў, у тым ліку — 81 з дзяжурным работнікам, 1416 пераездаў на БЧ абсталявана гукавой і светлавой сігналізацыяй.

Штогод, у мэтах забеспячэння бяспекі руху на пераездах БЧ ажыццяўляе іх камісійнае абследаванне з наступным ухіленнем выяўленых недахопаў.

Так, у 2017 годзе на 180 чыгуначных пераездах палепшана асвятленне, зроблены капітальны рамонт 70 пераездаў, заасфальтаваны 210 пераездаў.

Акрамя таго, рэгулярна праводзіцца тлумачальная работа ў школах, на прадпрыемствах па захаванню правіл праезду і пераходу праз пераезды, знаходжання на чыгуначных пуцях.

Інфармацыя падрыхтавана прэс-цэнтрам БЧ

Да спісу навін за 2018 год