Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

22 мая ў Гаазе (Нідэрланды) Беларуская чыгунка прадставіла свой транзітны патэнцыял

25 мая

22 мая ў Гаазе (Нідэрланды) прайшла канферэнцыя на тэму: «Беларусь Нідэрланды: чыгуначны бізнес, лагістыка, перспектывы і рашэнні». Дэлегацыю Беларускай чыгункі ўзначаліў першы намеснік Начальніка чыгункі Ігар Шылаў.

У мерапрыемстве прынялі ўдзел Надзвычайны і Паўнамоцны Пасол Рэспублікі Беларусь у Каралеўстве Нідэрландаў Мікалай Барысевіч, Хіннэ Гроот, кіраўнік групы экспертаў па пытаннях развіцця чыгуначнага транспарту Міністэрства інфраструктуры і воднай гаспадаркі Каралеўства Нідэрландаў.

Сярод удзельнікаў прадстаўнікі порта Ратэрдам, кампаніі DHL, «JUSDA Europe», «GVT Transport & Logistics B. V.», АТ «ПКП Карго», ТАА «ДБ Карго Польска», ТАА «Еўратранс», «Брэміна Груп», NUNNER. Таксама афіцыйны экспедытар Беларускай чыгункі дзяржаўнае прадпрыемства «Белінтэртранс — транспартна-лагістычны цэнтр» і яго філіял па рабоце ў Еўрапейскім Саюзе «Белінтэртранс Германія».

Удзельнікі мерапрыемства абмеркавалі новыя падыходы па ўзаемадзеянню і супрацоўніцтву на рынку транспартных паслуг, абмяняліся вопытам і ідэямі па больш эфектыўнаму вядзенню транспартнага бізнесу.

Беларуская чыгунка праводзіла дадзенае мерапрыемства на тэрыторыі Еўрасаюза ўпершыню. Дзелавая праграма канферэнцыі прадугледжвала шэраг выступленняў і прэзентацый.

У сваім прывітальным слове да ўдзельнікаў канферэнцыі Мікалай Барысевіч адзначыў, што Нідэрланды традыцыйна ўваходзяць у дзесятку асноўных гандлёва-эканамічных і крэдытна-інвестыцыйных партнёраў Беларусі. У 2017 годзе Нідэрланды занялі 5-е месца па аб'ёмах беларускага экспарту (пасля Расіі, Украіны, Вялікабрытаніі і Германіі) і 6-е месца па аб'ёмах прыцягнутых прамых інвестыцый (пасля Расіі, Кіпра, Латвіі, Кітая і Польшчы). Пры гэтым ён падкрэсліў, што гэтак сур'ёзны аб'ём патрабуе транспартнага забеспячэння. Таксама выказаў упэўненасць, што дадзенае мерапрыемства дазволіць наладзіць і выстраіць канструктыўны дыялог для развіцця супрацоўніцтва ў сферы чыгуначных перавозак як у двухбаковым, так і шматбаковым фарматах і стане традыцыйным.

Першы намеснік Начальніка Беларускай чыгункі Ігар Шылаў пазнаёміў удзельнікаў канферэнцыі з магчымасцямі, асноўнымі праектамі і перспектывамі Беларускай чыгункі.

Перавозкі грузаў па Беларускай чыгунцы ў зносінах з краінамі Еўрасаюза ў 2017 годзе склалі 52 млн тон. Доля Нідэрландаў у агульным аб'ёме 12%. Прыкладам эфектыўнага лагістычнага рашэння для развіцця чыгуначнага бізнесу з'яўляюцца перавозкі кантэйнераў у зносінах ЦілбургМінскЧэнду і ў адваротным напрамку.

У 2017 годзе забяспечаны іх рост у 3 разы да 2016 года. За тры месяцы 2018 года — рост у 2 разы да аналагічнага перыяду 2017 года. Доля перавозак цягніком ЦілбургЧэнду ўжо дасягнула 7% і імкліва расце.

У зносінах з Нідэрландамі ў красавіку гэтага года арганізаваны новы маршрут перавозак з Чунцын у Цілбург. Удзельнікам мерапрыемства было прапанавана ўлічваць магчымасці новага маршруту пры фарміраванні лагістычных рашэнняў.

Беларуская чыгунка разглядае развіццё перавозак кантэйнернымі цягнікамі ў зносінах з Кітаем у якасці стратэгічнага і найбольш перспектыўнага. Дарога з'яўляецца ўдзельнікам 7-старонняга Пагаднення паміж чыгункамі Кітая, Германіі, Казахстана, Манголіі, Польшчы і Расіі аб паглыбленні супрацоўніцтва.

У 2017 годзе аб'ём кантэйнерных перавозак транзітам праз Беларусь вырас у 2 разы да ўзроўню 2016 года. У 2018 годзе гэтая лічба прагназуецца на ўзроўні 340 тыс. кантэйнераў у ДФЭ з ростам на 25%.

Беларуская чыгунка сваёй мэтай бачыць стварэнне ўмоў для пашырэння геаграфіі кантэйнерных цягнікоў і актывізацыі асваення грузапатокаў у напрамку з краін ЕС у Кітай. Сёння БЧ мае дастатковы рэзерв прапускной здольнасці на беларуска-польскіх пагранічных пераходах.

Важным для дарогі з'яўляецца не толькі забеспячэнне транзіту, але і развіццё перавозак грузаў беларускіх экспартна-арыентаваных прадпрыемстваў.

У Беларусі рэалізуецца праект «Вялікі камень». Для стварэння аптымальных умоў для перавалкі грузаў праз тэрыторыю Беларусі і забеспячэння экспарту прадукцыі беларускіх прадпрыемстваў БЧ праводзіць работу па развіцці перавозак з задзейнічаннем магчымасцяў кантэйнернага хаба на станцыі Калядзічы транспартна-лагістычнага цэнтра Мінск. Перспектыўным напрамкам для БЧ з'яўляецца арганізацыя мультымадальных перавозак з выкарыстаннем інфраструктуры Беларускай чыгункі і наступным перагрузам кантэйнераў на аўтамабільны транспарт для дастаўкі ў краіны ЕС.

У рамках дзелавой праграмы канферэнцыі быў прадстаўлены шэраг дакладаў і прэзентацый.

Першы намеснік начальніка службы грузавой работы і знешнеэканамічнай дзейнасці Упраўлення Беларускай чыгункі Аляксандр Яўсюк выступіў з дакладам «Беларусь — Нідэрланды: Лагістычныя рашэння сёння і развіццё чыгуначных грузавых перавозак у перспектыве».

Артур Баллардт, дырэктар ТАА «Белінтэртранс-Германія» прадставіў прэзентацыю на тэму: «Магчымасці Белінтэртранс Германія па перавозках у зносінах НідэрландыКітай. Сэрвіс. Цана. Якасць», у якой раскрыў магчымасці і патэнцыял у арганізацыі абслугоўвання еўрапейскай бізнес-супольнасці ў перавозках з удзелам Беларускай чыгункі.

Таксама адбыліся выступленні прадстаўнікоў бізнес-супольнасці: порта Ратэрдам, кампаніі «GVT Transport & Logistics BV», «JUSDA Europe», шэрагу прадстаўнікоў чыгуначных перавозчыкаў і тэрміналаў, сярод якіх група кампаній «Брэсміна груп», АТ «ПКП Карго», АТ «ДБ карго Польска», ТАА «Еўрапорт «, ТАА» Andrex Logistics».

У ходзе канферэнцыі адбыўся абмен думкамі па шырокаму кругу пытанняў, якія тычацца тэмы канферэнцыі.

Інфармацыя падрыхтавана прэс-цэнтрам БЧ

Да спісу навін за 2018 год