Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Лепшых па прафесіі на чыгуначным транспарце вызначылі на Беларускай чыгунцы

5 красавіка 2018

На Беларускай чыгунцы падвялі вынікі конкурсу на званне «Лепшы па прафесіі на чыгуначным транспарце». Конкурс штогод праводзіцца на БЧ з мэтай стымулявання вынікаў работы і павышэння майстэрства работнікаў.

Па выніках 2017 года ў прафесійным спаборніцтве прынялі ўдзел прадстаўнікі больш за 120 розных прафесій і спецыяльнасцяў. Гэта работнікі, якія з'яўляюцца прыкладам у выкананні службовага абавязку, бездакорна забяспечваюць бяспеку руху цягнікоў, выконваюць бяспечныя ўмовы працы, працоўную і выканальніцкую дысцыпліну, праяўляюць высокую культуру абслугоўвання пасажыраў, а таксама якія паказалі найвышэйшыя вынікі ў працы і г. д. Сярод пераможцаў конкурсу: праваднікі пасажырскіх вагонаў і білетныя касіры, дзяжурныя па станцыі і дыспетчары, машыністы лакаматываў і іх памочнікі, электрамеханікі і прадстаўнікі многіх іншых розных прафесій і спецыяльнасцяў.

Па выніках конкурсу на званне «Лепшы па прафесіі на чыгуначным транспарце» пераможцамі прызнаны 124 работніка беларускай магістралі.

Ушанаванне пераможцаў адбудзецца напярэдадні Свята працы — 1 мая. Дыпломы лепшым работнікам магістралі ва ўрачыстай абстаноўцы ўручыць Начальнік Беларускай чыгункі Уладзімір Марозаў.

Трэба адзначыць, што сёння сямідзесяцітысячны калектыў Беларускай чыгункі прадстаўлены работнікамі 300 розных прафесій і спецыяльнасцяў. Штогод на БЧ прыходзіць каля 1,5 тысяч маладых спецыялістаў.

 

Інфармацыя падрыхтавана прэс-цэнтрам БЧ

Да спісу навін за 2018 год