Дэлегацыя Беларускай чыгункі прыме ўдзел у першым пасяджэнні Сумеснай рабочай групы па перавозкам кантэйнернымі цягнікамі ў зносінах Кітай—Еўропа

13 кастрычніка 2017

Першае пасяджэнне Сумеснай рабочай групы пройдзе 17—19 кастрычніка бягучага года ў г. Чжэнчжоў (Кітай). Дэлегацыю Беларускай чыгункі (БЧ) узначаліць першы намеснік Начальніка чыгункі Ігар Шылаў.

Стварэнне сумеснай рабочай групы прадугледжана палажэннямі артыкула 8 Пагаднення паміж чыгункамі Кітая, Беларусі, Расіі, Германіі, Казахстана, Манголіі і Польшчы аб паглыбленні супрацоўніцтва па арганізацыі кантэйнерных цягнікоў у зносінах Кітай—Еўропа, падпісанне якога завяршылася 20.04.2017 у г. Мінску.

7-баковы дакумент спрыяе далейшаму павелічэнню долі чыгуначнага транспарту на рынку грузавых перавозак, эканамічнаму развіццю краін, садзейнічае ўмацаванню гандлёвых сувязяў, а таксама спалучэнню планаў па развіцці інфраструктуры.

Удзельнікі Пагаднення дамовіліся сумесна нарошчваць аб'ёмы перавозак, актывізаваць дзейнасць па стварэнні тэрмінальна-складскіх, пагрузачна-разгрузачных аб'ектаў лагістычнай інфраструктуры, удасканальваць арганізацыю перавозак, укараняць найноўшыя тэхналогіі для скарачэння часу ў шляху руха. Таксама падтрымліваць распрацоўку канкурэнтаздольных скразных ставак на перавозкі грузаў у складзе кантэйнерных цягнікоў у зносінах Кітай—Еўропа ў межах заканадаўства сваіх дзяржаў і прыкладаць намаганні да стварэння адзіных стандартаў абслугоўвання.

Сумесная рабочая група прызначана рэалізоўваць падпісанае Пагадненне.

Беларуская чыгунка разглядае развіццё перавозак кантэйнернымі цягнікамі ў зносінах з Кітаем у якасці стратэгічнага і найбольш перспектыўнага, пастаянна надае ўвагу ходу рэалізацыі артыкулаў 7-баковага Пагаднення.

Колькасць кантэйнерных цягнікоў, якія курсуюць паміж Кітаем і Заходняй Еўропай, на працягу апошніх гадоў стабільна расце.

Колькасць кантэйнерных цягнікоў, выкарыстаўшчых білет транзітам па Беларускай чыгунцы за 9 месяцаў 2017 года з Кітая ў Еўропу, склала 1109 цягнікоў (161,7% да аналагічнага перыяду 2016 г.), а з Еўропы ў Кітай — 759 цягнікоў (201,9 працэнта да аналагічнага перыяду 2016 г.).

З жніўня 2017 года ў рамках пераарыентацыі часткі патоку на іншыя беларуска-польскія памежныя пераходы пачата развіццё транзітных перавозак кантэйнерных цягнікоў Кітай—ЕС—Кітай праз памежны пераход Брузгі/Кузніца.

Сярэдняя маршрутная хуткасць кантэйнерных цягнікоў павялічана ў параўнанні з нарматыўным графікам руху цягнікоў на 2015/2016 гады і складае 1160 км/суткі. За кошт аптымізацыі тэхналогіі пропуску маршрутная хуткасць асобных кантэйнерных цягнікоў па Беларускай чыгунцы ад станцыі Чырвонае (Дзяржмяжа з Расіяй) да Брэста дасягае 1400 км/суткі.

На станцыі Брэст-Паўночны (спецыялізуецца пераважна на апрацоўцы вагонопатоку у напрамку Захад—Усход) працягласць апрацоўкі кантэйнернага цягніка ў напрамку Захад—Усход скарочана з 10 гадзін да 9 гадзін (з перагрузам).

На станцыі Брэст-Усходні (спецыялізуецца пераважна на апрацоўцы вагонапатока ў напрамку Усход—Захад) працягласць апрацоўкі кантэйнернага цягніка ў напрамку Усход—Захад скарочана з 6 гадзін 40 хвіл. да 6 г 00 хвіл. (без перагрузкі).

Беларуская чыгунка сумесна з Дзяржаўным мытным камітэтам праводзіць работу па скарачэнні часу ажыццяўлення мытных аперацый, звязаных з электронным транзітным дэклараваннем.

У рамках міжнародных мерапрыемстваў рэгулярна праводзяцца рабочыя сустрэчы па пытаннях курсіравання кантэйнерных цягнікоў у напрамку Кітай—Еўропа—Кітай як у Кітаі, так і на тэрыторыі РБ, у тым ліку уключаючы рэкламныя мерапрыемствы.

Зацікаўленыя прадпрыемствы і арганізацыі Рэспублікі Беларусь маюць магчымасць ажыццяўляць экспарт знешнегандлёвых грузаў у розныя рэгіёны Кітая з захаваннем найкароткіх тэрмінаў дастаўкі (не больш двух тыдняў) па аптымальнаму графіку курсіравання з прадастаўленнем шырокага комплексу транспартна-лагістычных паслуг.

Інфармацыя падрыхтавана прэс-цэнтрам БЧ