Беларуская і Літоўскія чыгункі праводзяць тэставую эксплуатацыю рухомага саставу на электрыфікаваным участку
10 кастрычніка 2017
Тэставая эксплуатацыя чыгуначнымі адміністрацыямі Беларусі і Літвы прадугледжана Планам сумесных дзеянняў па падрыхтоўцы да адкрыцця рэгулярнага руху цягнікоў на электровозной цязе па кірунку Мінск—Вільнюс для ацэнкі сумяшчальнасці рухомага саставу з інфраструктурай і ацэнкі адпаведнасці рухомага саставу нацыянальным прававым актам.
Акрамя тэставых паездак Планам сумесных дзеянняў прадугледжана:
узгадненне тэхнічнага абслугоўвання электравозаў і электрацягнікоў, а таксама падрыхтоўкі іх у рэйс на станцыях Мінск і Вільнюс;
абкатка лакаматыўных брыгад электрарухомага саставу для працы на ўчастку Мінск—Вільнюс—Мінск;
распрацоўка і ўзгадненне нарматыўнага графіка руху міжнародных пасажырскіх цягнікоў на 2017—2018 гады ў зносінах Мінск—Вільнюс—Мінск.
Для арганізацыі пасажырскіх зносін Мінск—Вільнюс на электравознай цязе з уводам у дзеянне новага графіка руху цягнікоў на 2017/2018 год з 10 снежня бягучага года Беларуская чыгунка плануе эксплуатацыю электрацягнікоў ЭПР у пяцівагонным выкананні, у якіх прадугледжана 302 месцы (цягнікі № 805/806 і № 809/810). Тэставая эксплуатацыя ЭПР ужо паспяхова прайшла на тэрыторыі Літвы.
У сваю чаргу літоўскія чыгуначнікі праводзяць тэставую эксплуатацыю на тэрыторыі Беларусі двухпавярховых электрацягнікоў EJ 575 на 290 месцаў. Гэты рухомы састаў будзе курсіраваць з уводам новага графіка ў зносінах Вільнюс—Мінск.
У графіку 2017/2018 паміж чыгуначнымі адміністрацыямі Беларусі і Літвы ў зносінах Вільнюс—Мінск ўзгоднена дзве пары цягнікоў фарміравання Літоўскіх чыгунак і тры пары цягнікоў фарміравання Беларускай чыгункі.
Таксама Планам сумесных дзеянняў прадугледжана распрацоўка і ўзгадненне нарматыўнага графіка руху грузавых цягнікоў на электровозной цязе на ўчастку Маладзечна—Кяна.
Інфармацыя падрыхтавана прэс-цэнтрам БЧ
Да спісу навін за 2017 год