20—21 кастрычніка ў г. Брэсце Беларуская чыгунка праводзіць фестываль тэатральнага мастацтва «Тэатральная восень»

12 кастрычніка 2017

Фестываль тэатральнага мастацтва «Тэатральная восень», прымеркаваны да 155-годдзя Беларускай чыгункі, пройдзе на базе Культурна-спартыўнага цэнтра (КСЦ) Брэсцкага аддзялення Беларускай чыгункі. Фестываль праводзіцца сярод тэатральных калектываў аматарскай мастацкай творчасці арганізацый беларускай магістралі. Тэатральныя калектывы дарогі прадставяць аднаактавыя або шматактавыя спектаклі, або тэатралізаваныя кампазіцыі замежных і айчынных аўтараў, сярод якіх Андэрсан, Распуцін, Чэхаў, Бялоў, Шынкарэнку, Пятроў-Пір'ян і інш.

Адкрыецца фестываль 20 кастрычніка спектаклем народнага тэатра Брэсцкага КСЦ «У кожнага свая зорка». Таксама свае працы прадставяць народны тэатр «Сінтэз» Віцебскага КСЦ — спектакль С. Кавалёва «Стомлены д'ябал». Два спектаклі Мінскага КСЦ, сярод якіх «Прынцэса на гарошыне» Г. Андэрсана ў выкананні ўзорнага тэатра лялек сталічнага Палаца культуры і спорту і спектакль народнага тэатра Аршанскага ДКЖ «Жаночая размова» па расказах В. Распуціна.

Завершыцца першы фестывальны дзень спектаклем народнага тэатра «Золак» Магілёўскага КСЦ «Магілёўская юшка», аўтар Д. Пятроў-Пір'ян.

Праграма другога дня фестывалю будзе прадстаўлена спектаклем народнага тэатра Брэсцкага КСЦ «Цёшча напракат», аўтар С. Бялоў, некалькімі мініяцюрамі Баранавіцкага КСЦ і спектаклем тэатра-студыі «Класік» Гомельскага КСК «Мемуары горада», аўтар Е. Шпаленкова.

Па выніках фестывалю тэатральныя калектывы будуць узнагароджаны памятнымі падарункамі і дыпломамі па намінацыях: «За арыгінальнасць рэжысуры», «За лепшае сцэнічнае ўзаемадзеянне ў акцёрскім калектыве», «Лепшае сцэнічнае рашэнне твораў нацыянальнай драматургіі», «Лепшая сцэнаграфія», «Лепшая мужчынская роля», «Лепшая жаночая роля», «Лепшая мужчынская роля другога плана», «Лепшая жаночая роля другога плана», «Паспяховы дэбют». У рамках фестывалю прадугледжана правядзенне творчага «круглага стала» кіраўнікоў тэатральных калектываў і членаў журы.

ДАВЕДАЧНА:
У цяперашні час у падраздзяленнях культуры Беларускай чыгункі працуюць 44 калектывы аматарскай мастацкай творчасці, якія маюць званні: «заслужаны аматарскі калектыў Рэспублікі Беларусь» — 5 калектываў, «узорны» — 11 калектываў, «народны» — 28 калектываў. Усяго ў іх займаюцца больш як 1250 чалавек.

Інфармацыя падрыхтавана прэс-цэнтрам БЧ