Беларуская чыгунка прэзентуе свой транзітны патэнцыял на транспартнай выставе ў Кітаі

20 чэрвеня 2017

З 28 па 30 чэрвеня Дзяржаўнае прадпрыемства «БЕЛІНТЭРТРАНС - транспартна-лагістычны цэнтр» Беларускай чыгункі (БТЛЦ) і ТАА «Белінтэртранс-Германія» прымуць удзел у 17 Кітайскай Міжнароднай транспартна-лагістычнай выставе CITLE. Выстава пройдзе ў г. Чэнду ў рамках 13 Кітайскага Міжнароднага лагістычнага тыдня.

Для БТЛЦ і ТАА «Белінтэртранс-Германія» галоўная мэта ўдзелу ў выставе — рэклама сваіх паслуг з мэтай прыцягнення дадатковых грузаў. Выкарыстоўваючы пляцоўку выставы, спецыялісты прадпрыемства плануюць правесці сустрэчы з кітайскімі партнёрамі па развіцці грузавых перавозак. Асаблівую ўвагу нададуць рэкламе перавозкі грузаў у кантэйнерах.

Таксама будуць прадстаўлены інфармацыйна-рэкламныя матэрыялы аб паслугах Беларускай чыгункі, тэхнічнага і тэхналагічнага патэнцыялу перагрузачных магутнасцяў.

Сёння БТЛЦ аказвае поўны комплекс транспартна-экспедыцыйных паслуг. З мэтай забеспячэння прамой прысутнасці на кітайскім рынку транспартных паслуг у г. Пекіне адкрыта прадстаўніцтва ТАА «Белінтэртранс-Германія», асноўнай дзейнасцю якога з'яўляецца пашырэнне супрацоўніцтва і ўзаемадзеянне з грузаўладальнікам з аказаннем поўнага комплексу паслуг ад прапрацоўкі транспартна-лагістычных схем да суправаджэння перавозкі.

У рамках рэалізацыі праекта «Эканамічны пояс «Шаўковы шлях» прадпрыемства вядзе актыўную працу па развіццю перавозак грузаў кантэйнернымі цягнікамі ў паведамленні Кітай—Еўропа—Кітай. За студзень-май БТЛЦ перавезена каля 27 000 ДФЭ, што складае 180,3% да ўзроўню аналагічнага перыяду 2016 года.

Беларуская чыгунка пашырае магчымасці па аказанні комплекснай паслугі арганізацыям Рэспублікі Беларусь па экспарту іх прадукцыі ў Кітай.

У маі бягучага года на дарозе уведзены Часовы парадак (Парадак) арганізацыі прычэпкі вагонаў з кантэйнерамі, якія загружаны беларускімі экспартнымі грузамі, якія ідуць прызначэннем у Кітай да кантэйнерных цягнікоў, якія курсіруюць ў паведамленні Еўропа—Кітай.

Ўзаемадзеянне з Кліентам і аказанне паслуг выконвае дзяржаўнае прадпрыемства БТЛЦ. Для гэтага можна звяртацца на «інфалініі» па тэлефонах: +375(17) 225 30 30, +375(17) 225 69 15, +375(29) 625 30 30, +375(33) 625 30 30, а таксама накіраваць запыт на адрас электроннай пошты info@belint.by. Праверка паступіўшых запытаў ажыццяўляецца ў аўтаматычным рэжыме з перыядычнасцю 1 раз у 30 мін.

Пры неабходнасці БТЛЦ гатова арганізаваць перавозку аўтамабільным транспартам парожніх кантэйнераў да месца пагрузкі і вываз гружаных кантэйнераў да бліжэйшай станцыі, якая працуе з кантэйнерамі.

Парадкам прадугледжана рэгулярнае інфармаванне кліента аб прасоўванні кантэйнера да месца прызначэння. Па прыбыцці кантэйнера ў Кітай паслугі па дастаўцы гружанага кантэйнера да склада атрымальніка і дастаўцы кантэйнера пасля выгрузкі да месцаў дыслакацыі ажыццяўляе ТАА «Белінтэртранс-Германія» і ТАА «Белінтэртранс-Кітай».

Інфармацыя падрыхтавана прэс-цэнтрам БЧ