Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Начальнік Беларускай чыгункі Уладзімір Марозаў 4 кастрычніка прыняў удзел у Канферэнцыі «Роля Кітайска-Беларускага індустрыяльнага парку «Вялікі камень» у развіцці Беларускай транспартна-лагістычнай сістэмы»

05 кастрычніка 2016

Начальнік Беларускай чыгункі Уладзімір Марозаў прыняў удзел у Канферэнцыі «Роля Кітайска-Беларускага індустрыяльнага парку «Вялікі камень» у развіцці Беларускай транспартна-лагістычнай сістэмы» і выступіў з дакладам «Аб развіцці транспартна-лагістычнай дзейнасці Беларускай чыгункі ў рамках рэалізацыі канцэпцыі «Эканамічнага пояса шаўковага шляху». Мерапрыемства прайшло ў рамках Беларускага транспартнага тыдня.

Беларуская чыгунка надае вялікае значэнне канцэпцыі «Эканамічнага пояса Шаўковага шляху». У сваім выступе Уладзімір Марозаў адзначыў, што сёння ўжо адбываецца прыкметная пераарыентацыя таварапатокаў у кантэйнерах ў паведамленні Еўропа—Кітай з марскіх маршрутаў на сухапутныя. Важна работу ў гэтым напрамку ў рамках канцэпцыі актыўна працягваць, ствараць умовы, каб струмень тавараў ішоў не толькі з Кітая ў Еўропу, але і назад, змагацца за выгаду сухапутнага шляху з марскім. Начальнік Беларускай чыгункі заклікаў паглыбляць супрацоўніцтва ўсіх удзельнікаў рынку транспартна-лагістычных паслуг: грузаўладальнікаў, тэрміналаў, экспедытарскіх кампаній, перавозчыкаў. «Эканамічны пояс Шаўковага шляху — гэта пачатак вялікіх магчымасцей для ўсіх нас», — адзначыў Уладзімір Марозаў. «Сёння кліенту ўжо прапануецца не проста перавозка або лагістычная паслуга, кліент атрымлівае гатовае транспартнае рашэнне па дастаўцы сваёй прадукцыі ў любую кропку Еўропы ці Кітая», — падкрэсліў Начальнік БЧ. Важным стратэгічным звяном гэтага новага транспартнага прадукту з'яўляецца Кітайска-Беларускі індустрыяльны парк «Вялікі камень». У якасці прыкладу адзначыў, што ў снежні мінулага года Беларускай чыгункай, Адміністрацыяй Кітайска-Беларускага Індустрыяльнага Парку «Вялікі Камень» і Кампаніяй па развіцці індустрыяльнага парку падпісаны трохбаковы Мемарандум аб узаемаразуменні і супрацоўніцтве, дзе вызначаны стратэгічныя напрамкі супрацоўніцтва ў сферы транспартна-лагістычнай дзейнасці. БЧ ў 2016 годзе ўжо аказвае кансультацыйную падтрымку Адміністрацыі парку і рэзідэнтам індустрыяльнага парку, звязаную з прапрацоўкай транспартна-лагістычных схем дастаўкі грузаў для будаўніцтва аб'ектаў парку, а таксама экспедыцыйныя, мытныя, інфармацыйныя і іншыя паслугі па арганізацыі экспартна-імпартных, транзітных перавозак грузаў чыгуначным транспартам.

 

У рамках задзейнічання сухапутнага маршруту Кітай—Беларусь БЧ арганізаваны перавозкі грузаў ў складзе кантэйнерных цягнікоў для будаўніцтва індустрыяльнага парку «Вялікі камень» на станцыю Калядзічы. Таксама забяспечаны перавозкі грузаў і па іншых праектах, якія рэалізуюцца кітайскімі кампаніямі.

БЧ, знаходзячыся на важнейшых транспартных калідорах Шаўковага шляху, знешняй мяжы Еўразійскай эканамічнай саюза і Еўрапейскага саюза, ужо сёння з'яўляецца аптымальным транспартна-лагістычным звяном і гатова арганізаваць дастаўку грузаў чыгуначным транспартам з Кітайска-Беларускага індустрыяльнага парку «Вялікі камень» як у краіны Еўразійскага эканамічнага саюза, так і ў краіны Еўрапейскага саюза з забеспячэннем захаванасці, тэрмінаў дастаўкі і прадастаўленнем канкурэнтаздольных тарыфаў.

«Сёння адбываецца станаўленне парку «Вялікі камень», і нам транспартнікам асабліва важна разумець і ствараць умовы транспартна-лагістычнага абслугоўвання рэзідэнтаў гэтага парку ...», — адзначыў Уладзімір Марозаў. Для гэтых мэтаў Беларуская чыгунка праводзіць адпаведную інвестыцыйную палітыку, накіраваную на абнаўленне асноўных фондаў, мадэрнізацыю чыгуначнай інфраструктуры Рэспублікі Беларусь, умацоўваючы яе транзітны патэнцыял і выступаючы надзейнай падтрымкай экспарту беларускай знешнегандлёвай прадукцыі. За перыяд з 2011—2016 гады на гэтыя мэты Беларускай чыгункай накіравана ў эквіваленце больш за 2,5 млрд даляраў ЗША. Асаблівая ўвага надаецца электрыфікацыі участкаў і іх мадэрнізацыі, павышэнню хуткасцей на мадэрнізуемых напрамках і прымяненню рухомага саставу новага пакалення.

«Мы развіваем тэрмінальную гаспадарку ў рэспубліцы, свае лагістычныя цэнтры. Лагістычны цэнтр «Калядзічы» з'яўляецца працаздольным лагістычным цэнтрам з перадавымі тэхналогіямі. Мы ўкладваем у інфраструктуру, у рухомы састаў. БЧ з'яўляецца і ўладальнікам інфраструктуры, і нацыянальным перавозчыкам, і аператарам рухомага саставу, мае свае дачынныя прадпрыемствы — дзяржаўнае прадпрыемства «Белінтэртранс — транспартна-лагістычны цэнтр з яго філіяламі ў Германіі, Маскве, Літве, Пекіне. Мы цесна ўзаемадзейнічаем з нашымі партнёрамі: Літвой, Латвіяй, Расіяй, Польшчай, Украінай», — падкрэсліў Уладзімір Марозаў.

Для БЧ павелічэнне аб'ёмаў перавозак кітайскіх знешнегандлёвых грузаў — гэта адно з стратэгічных кірункаў працы. Стабільны рост аб'ёмаў кантэйнерапатока паміж Кітаем і Заходняй Еўропай з'яўляецца добрым прыкладам гэтаму. Па выніках работы за 8 месяцаў 2016 г. у паведамленні Еўропа‑ Кітай‑Еўропа перавезена 75,2 тыс. кантэйнераў у ДФЭ, або ў 2,4 разы больш за аналагічны перыяд мінулага года.

Разам з тым Уладзімір Марозаў адзначыў, што гэтая лічба павінна быць павялічана ў разы, тады можна казаць аб поспеху.

У мэтах забеспячэння высокага ўзроўню якасці транспартна-лагістычных паслуг БЧ праводзіць работу па ўдасканаленні прававых аспектаў арганізацыі перавозак, а таксама спрашчэнні правядзення мытных працэдур і ўдасканаленні інфармацыйнага забеспячэння. «Важна прызнаць бар'еры, якія ёсць, і ўстараняць іх разам» — заклікаў Уладзімір Марозаў.

У якасці прыкладу Начальнік дарогі падкрэсліў, што для фарміравання і прапановы комплекснага прадукту па транзіту кантэйнерапрыгодных грузаў кліентам Паўднёва-Усходняй Азіі і Еўропы чыгуначнымі кампаніямі Расіі, Беларусі і Казахстана створана Аб'яднаная транспартна-лагістычная кампанія (ОТЛК). Яна дазваляе арганізаваць адзіны лагістычны бізнес-прастор у Еўразійскім эканамічным саюзе, павысіць міжнародную канкурэнтаздольнасць лагістычнай сістэмы на глабальным транспартным рынку, скараціць тэрміны і знізіць сабекошт дастаўкі грузаў. Для кантэйнерных перавозак, якія ідуць праз памежныя пераходы Достык і Алтынколь да Брэста, устаноўлена адзіная стаўка за адзін тона-кіламетр.

Беларуская чыгунка гатова да актыўнага дыялогу і сумеснага пошуку рашэнняў транспартна-лагістычных задач.

Інфармацыя падрыхтавана прэс-цэнтрам БЧ

Да спісу навін за 2016 год