Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language

Больш за 66 тысяч работнікаў Беларускай чыгункі прынялі сёння ўдзел у Рэспубліканскім суботніку

23 красавіка 2016

Для арганізацыі і правядзення суботніка на БЧ створана рабочая група. У яе склад увайшлі кіраўніцтва Беларускай чыгункі і Беларускага прафесійнага саюза чыгуначнікаў і транспартных будаўнікоў, сакратар галіновага камітэта ГА «БРСМ» Беларускай чыгункі.

Усе арганізацыі беларускай магістралі наводзілі парадак на замацаваных тэрыторыях. Асаблівая ўвага надавалася воінскім пахаванням і помнікам, размешчаным побач з аб'ектамі чыгуначнага транспарту. Акрамя таго, работнікі БЧ займаліся добраўпарадкаваннем і падрыхтоўкай да летняга перыяду дзіцячых аздараўленчых цэнтраў, санаторыяў, наводзілі парадак на тэрыторыі Дзіцячай чыгункі імя К.С. Заслонава УП «Мінскае аддзяленне Беларускай чыгункі», чысцілі паласу адводу ўздоўж чыгуначных шляхоў.

Таксама сёння ў рамках правядзення суботніка БЧ арганізавала акцыю «Стоп-заяц», накіраваную на павышэнне культуры праезду ў цягніках. Падчас акцыі прадстаўнікі чыгункі праводзілі тлумачальную працу і правяралі наяўнасць праязных дакументаў у пасажыраў цягнікоў рэгіянальных ліній эканом-класа. Кантроль ажыцяўляўся на пероне пры пасадцы або высадцы з транспартнага сродку.

Па выніках Рэспубліканскага суботніка Беларуская чыгунка пералічыла ў бюджэт больш за 1,5 млрд. рублёў.

 

Інфармацыя падрыхтавана прэс-цэнтрам БЧ

Да спісу навін за 2016 год