Зборная каманда Беларускай чыгункі прыме ўдзел у зімовым этапе рэспубліканскай спартакіяды Мінтранса
17 лютага 2016
Зборная каманда Беларускай чыгункі прыме ўдзел у зімовым этапе рэспубліканскай спартакіяды Мінтранса. Спаборніцтвы адбудуцца 19‑21 лютага на фізкультурна-аздараўленчай базе Федэрацыі прафсаюзаў у пасёлку Ждановічы Мінскага раёна. Гонар чыгуначнікаў будуць адстойваць 18 прадстаўнікоў беларускай магістралі. Ім трэба будзе пазмагацца ў 6-ці дысцыплінах: лыжныя гонкі, валейбол (паркавы), шахматы, настольны тэніс, більярд і гіравы спорт.
Другі этап спартакіяды сярод структурных падраздзяленняў і арганізацый Міністэрства транспарту і камунікацый Рэспублікі Беларусь пройдзе ў верасні 2016 года. Восенню адбудуцца спаборніцтвы па плаванні, валейболе, лёгкаатлетычным кросе, дартсе, міні-футболе і стральбе. Па выніках двух этапаў спаборніцтва будзе вызначана каманда-пераможца, а таксама пераможцы ў асабістым першынстве. Усяго ў рэспубліканскай спартакіядзе прымуць удзел 12 структурных падраздзяленняў і арганізацый Міністэрства транспарту і камунікацый Рэспублікі Беларусь.
Інфармацыя падрыхтавана прэс-цэнтрам БЧ
Да спісу навін за 2016 год