Нарада адзіных дыспетчарскіх змен чыгунак Беларусі і Літвы праходзіць у Баранавічах 26—27 лістапада

26 лістапада 2015

У ходзе нарады кіраўнікі і спецыялісты цэнтра кіравання перавозкамі Беларускай чыгункі і цэнтра кіравання рухам АТ «Літоўскія чыгункі» плануюць разгледзець шэраг актуальных пытанняў арганізацыі эксплуатацыйнай работы на чыгунках дзвюх краін.

У тым ліку бакі абмяркуюць арганізацыю руху цягнікоў пры правядзенні работ па электрыфікацыі ўчастка Гудагай—Кяна. Будуць разгледжаны пытанні павелічэння састаўнасці і вагі грузавых цягнікоў, выкарыстанне вагонаў інвентарнага парку прыналежнасці чыгуначных адміністрацый Беларусі і Літвы і інш.

Інфармацыя падрыхтавана прэс-цэнтрам БЧ