Каманды Беларускай чыгункі сталі пераможцамі XV Міжнароднага турніру па валейболе

02 лістапада 2015

Каманды Беларускай чыгункі сталі пераможцамі XV Міжнароднага турніру па валейболе

XV Адкрыты міжнародны турнір па валейболе прайшоў у Брэсце з 30 кастрычніка па 1 лістапада. Беларускія чыгуначнікі сталі абсалютнымі пераможцамі турніру, заняўшы першыя месцы ў спаборніцтвах як мужчынскіх, так і жаночых каманд.

Усяго ў турніры прынялі ўдзел 9 зборных каманд па валейболе (5 жаночых і 4 мужчынскіх) чыгуначных адміністрацый Беларусі, Расіі, Славакіі, а таксама ПАО «Транскантэйнер».

У спаборніцтвах мужчынскіх каманд прызавыя месцы размеркаваліся наступным чынам: 1 месца — каманда Беларускай чыгункі, 2 месца — каманда Маскоўскай чыгункі, 3 месца — каманда ПАО «Транскантэйнер». У спаборніцтвах жаночых каманд 1 месца таксама заняла каманда Беларускай чыгункі, 2 месца — каманда Маскоўскай чыгункі, 3 месца — каманда Калінінградскай чыгункі.

Каманды-прызёры спаборніцтваў былі ўзнагароджаны дыпломамі, кубкамі, а гульцы каманд — асабістымі прызамі.

Арганізатарамі міжнароднага турніру па валейболе з'яўляліся Беларуская чыгунка і Беларускі прафесійны саюз чыгуначнікаў і транспартных будаўнікоў.

Турнір праводзіцца на Беларускай чыгунцы штогод з 2000 года. Мэтай мерапрыемства з'яўляецца папулярызацыя валейбола і развіццё дружалюбных сувязяў паміж чыгуначнікамі розных краін, абмен вопытам па арганізацыі спартыўна-масавай работы з замежнымі чыгуначнымі адміністрацыямі. Турнір быў праведзены ў рамках мерапрыемстваў, прымеркаваных да 70-годдзя Перамогі савецкага народа ў Вялікай Айчыннай вайне, 110-годдзю ўтварэння Беларускага прафесійнага саюза чыгуначнікаў і транспартных будаўнікоў, Году моладзі.

Інфармацыя падрыхтавана прэс-цэнтрам БЧ