.png)
Беларуская чыгунка прызначыла дадатковыя цягнікі ў перыяд школьных канікул і святочныя дні лістапада
14 кастрычніка 2015
У наступныя школьныя канікулы і святочныя дні Беларуская чыгунка прызначыла 7 дадатковых цягнікоў для перавозак пасажыраў у межах рэспублікі, а таксама ў міжнародных зносінах.
У міжнародных зносінах дадатковыя цягнікі прызначаныя па маршруце Брэст—Масква—Брэст. Цягнік № 252/209 Брэст—Масква будзе курсіраваць з Брэста 29,30,31 кастрычніка, з Масквы — 30,31 кастрычніка і 1 лістапада. Цягнік № 132/131 будзе курсіраваць з Брэста 6,7,8,9,10 лістапада, з Масквы — 7,8,9,10,11 лістапада.
Таксама ў межах Беларусі будуць курсіраваць пяць дадатковых цягнікоў. 6 Лістапада цягнік №6 72 Мінск—Гомель, № 638 Мінск—Гомель, № 635 Мінск—Пінск, № 665 Мінск—Брэст. 7 лістапада — цягнік № 671 Гомель—Мінск, № 636 Пінск—Мінск, № 116 Брэст—Мінск, 8 лістапада — цягнік № 698/697 Мінск—Гомель.
Больш падрабязную інфармацыю пра прызначаныя дадатковыя цягнікі можна атрымаць на сайце www. rw.by, а таксама ў чыгуначных касах і па тэлефонах даведачных службаў.
Інфармацыя падрыхтавана прэс-цэнтрам БЧ
Да спісу навін за 2015 год
