Работнік Беларускай чыгункі стаў прызёрам чэмпіянату свету па гіравым марафоне

14 верасня 2015

Спаборніцтвы праводзіліся ў Мінску з 11 па 13 верасня ў Фрунзенскім фізкультурна-аздараўленчым цэнтры. Усяго ў чэмпіянаце прынялі ўдзел 85 спартсменаў з 18 краін свету. Інжынер-электронік інфармацыйна-вылічальнага цэнтра РУП «Гомельскае аддзяленне Беларускай чыгункі" Вячаслаў Гапоненка заняў другое месца ў намінацыі «Мужчыны, аматары, паўмарафон» у вагавой катэгорыі да 90 кг. На працягу 30 хвілін яму ўдалося падняць на абедзве рукі гіру вагай 24 кг 555 разоў. У спартсмена з Францыі, які заняў першае месца, апынулася на 10 уздымаў больш (565). Трэцяе месца заняў гіравік з Расіі (яго вынік — 500).

Інфармацыя падрыхтавана прэс-цэнтрам БЧ