Дэлегацыя Беларускай чыгункі прыме ўдзел у VII Міжнародным Балтыйскім транспартным форуме
08 верасня 2015
Мерапрыемства пройдзе ў Калінінградзе з 10 па 11 верасня. На форуме плануецца абмеркаваць пытанні, сярод якіх: балтыйскі транзіт у перыяд санкцый, экспартна-імпартныя перавозкі ва ўмовах дэвальвацыі рубля, ўздзеянне санкцый на чыгуначныя грузавыя перавозкі, інвестыцыйная прывабнасць транспартна-лагістычнага рынку Балтыі, патэнцыял свабодных эканамічных зон у партах Балтыі, перспектывы развіцця паромнага паведамлення ў Калінінградзе і многае іншае.
Беларуская чыгунка з'яўляецца найважнейшым сувязным звяном у забеспячэнні эканамічных сувязяў Калінінградскай вобласці з іншымі рэгіёнамі Расіі.
На форуме беларуская дэлегацыя прадставіць транспартна-лагістычны патэнцыял Беларускай чыгункі ў забеспячэнні грузавых перавозак у напрамку Калінінградскай вобласці. Першы намеснік Начальніка
Беларускай чыгункі Уладзімір Міхайлюк выступіць перад удзельнікамі мерапрыемства з дакладам «Транспартна-лагістычны патэнцыял Беларускай чыгункі ў забеспячэнні экспартна-імпартных і
транзітных грузавых перавозак у зносінах з калінінградскай вобласцю і яе партамі». Таксама плануецца правесці сустрэчы і перамовы па пытаннях павелічэння перавозак грузаў у зносінах
Беларусь‑Калінінград, у тым ліку экспарту беларускіх будаўнічых грузаў у калінінградскую вобласць з улікам зніжэння тарыфаў Літоўскімі чыгункамі.
Акрамя таго, дэлегацыя беларускай магістралі плануе абмеркаваць арганізацыйныя пытанні, звязаныя з падрыхтоўкай і правядзеннем у г. Калінінградзе ў першай дэкадзе лістапада круглага стала з
удзелам прадстаўнікоў партоў, буйных грузаатрымальнікаў і грузаадправіцеляў.
Удзел прадстаўнікоў Беларускай чыгункі ў форуме, а таксама арганізацыя і правядзенне круглага стала будуць садзейнічаць павелічэнню транзітных перавозак у зносінах Беларусь‑Калінінградская вобласць,
павелічэнню аб'ёмаў перавозак будаўнічых грузаў прадпрыемствамі-экспарцёрамі Рэспублікі Беларусь.
Інфармацыя падрыхтавана прэс-цэнтрам БЧ
Да спісу навін за 2015 год