7 мая з Брэста ў рамках акцыі «70 цягнікоў да 70-годдзя Перамогі» эстафетны вымпел адправіцца ў Маскву ў складзе пасажырскага цягніка №96 Брэст–Масква

07 мая 2015

Беларуская чыгунка падтрымала ініцыятыву працаўнікоў ААТ «Расійскія чыгункі» па правядзенні акцыі «70 цягнікоў да 70-годдзя Перамогі».

Урачысты мітынг у рамках акцыі «70 цягнікоў да 70-годдзя Перамогі» пройдзе 7 мая на вакзале станцыі Брэст-Цэнтральны перад адпраўленнем цягніка №96 (адпраўленне ў 18 г. 34 мін).

У ім прымуць удзел работнікі Брэсцкага аддзялення Беларускай чыгункі, ветэраны Вялікай Айчыннай вайны і працы, члены ГА «БРСМ». Мерапрыемства пачнецца 7 мая ў 17 г. 50 мін. на першым пуці Маскоўскага боку вакзала Брэст-Цэнтральны.

У праграме мітынгу — канцэрт, а таксама перадача эстафетнага вымпела лакаматыўнай брыгадзе цягніка №96 Брэст–Масква.

Урачыстае адпраўленне эстафетных цягнікоў арганізавана з гарадоў-герояў Расіі і Беларусі ў мэтах дастойнай сустрэчы 70-й гадавіны Перамогі ў Вялікай Айчыннай вайне.

Адпраўленне і прыбыццё цягнікоў ажыццяўляецца з улікам дзеючага раскладу.

Лакаматыўныя брыгады гэтых цягнікоў фарміруюцца з маладых людзей — нашчадкаў ветэранаў Вялікай Айчыннай вайны.

Памятныя вымпелы напярэдадні Дня Перамогі будуць дастаўлены ў Маскву і перададзеныя на вечнае захоўванне ў музей Маскоўскай чыгункі.

Інфармацыя падрыхтавана прэс-цэнтрам БЧ