Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Беларуская чыгунка ў красавіку ўвядзе ў эксплуатацыю мікрапрацэсарную цэнтралізацыю на двух станцыях участка Асіповічы—Жлобін

07 красавіка 2015

Беларуская чыгунка ў рамках развіцця інфраструктуры электрыфікаванага ўчастка Асіповічы—Жлобін у красавіку ўвядзе ў эксплуатацыю мікрапрацэсарную цэнтралізацыю (МПЦ) ESA-11ВС на двух станцыях — Бабруйск і Бярэзіна, а таксама аўтаматычную блакiроўку АВЕ-1-ВС на прылеглых перагонах.

Названыя сістэмы МПЦ і аўтаблакiроўкi выраблены па ліцэнзіі на Брэсцкім электратэхнічным заводзе і заменяць сабой тыя ўстройствы рэлейнай электрычнай цэнтралізацыі і аўтаблакiроўкi, якія выпрацавалі нарматыўны тэрмін службы.

Падчас рэалізацыі праекта на ўчастку ад Бабруйска да Бярэзіны была заменена кабельная сетка і ўсе падлогавыя ўстройствы СЦБ (сістэмы сігналізацыі і цэнтралізацыі блакiроўкi). У тым ліку ўсталяваны новыя святлафоры з ужываннем святлодыёдных святлоаптычных сістэм, якія значна паляпшаюць бачнасць сігналаў пры неспрыяльных пагодных умовах. Выкананы і шэраг іншых работ.

 

Укараненне МПЦ на станцыях Бабруйск і Бярэзіна і аўтаматычнай блакiроўкi з'яўляецца 2-ім этапам рэалізацыі праекта па замене ўстройстваў СЦБ на электрыфікаваным участку Асіповічы—Жлобін. Падчас 1-га этапу ў 2014 годзе мікрапрацэсарная цэнтралізацыя была ўведзена ў эксплуатацыю на станцыях Асіповічы-3, Татарка і Мірадзіна; а на прылеглых перагонах — аўтаматычная блакіроўка.

У цяперашні час Беларуская чыгунка працягвае работы па рэалізацыі трэцяга, завяршальнага этапу праекта — вядзецца мадэрнізацыя сістэмы сігналізацыі і цэнтралізацыі блакiроўкi на ўчастку ад Бярэзіны да Жлобінскага чыгуначнага вузла. Акрамя таго, пачаты работы па абнаўленні ўстройстваў СЦБ на участку Жлобін—Гомель, які электрыфікуецца у цяперашні час.

Сістэма цэнтралізацыі забяспечвае кіраванне стрэлкамі і святлафорамі і прызначана для кіравання рухам цягнікоў і манеўровай работай на станцыі. Мікрапрацэсарная цэнтралізацыя ўяўляе сабою шматузроўневую аўтаматызаваную сістэму, якая выконвае шэраг функцый. У іх ліку — тэхнічнае дыягнаставанне і маніторынг адмоў, архіваванне падзей, інтэграцыя з дыспетчарскай цэнтралізацыяй і аўтаблакiроўкай і інш.

Укараненне ўстройстваў электрычнай цэнтралізацыі з ужываннем мікрапрацэсарных тэхналогій з'яўляецца адным з прыярытэтных напрамкаў работы дарогі, накіраваных на забеспячэнне бяспекі руху цягнікоў, павышэнне аператыўнасці кіравання перавозачным працэсам, зніжэнне эксплуатацыйных выдаткаў.

Нагадваем, электрыфікацыя ўчастку Жлобін—Асіповічы (даўжыня — 107,2 км) была завершана ў верасні 2013 года ў рамках рэалізацыі важнейшага інвестыцыйнага праекта Беларускай чыгункі «Электрыфікацыя ўчасткаў Гомель—Жлобін—Асіповічы і Жлобін—Калінкавічы».

 

Інформацыя падрыхтавана пресс-центром БЖД

Да спісу навін за 2015 год