Віншаванне Начальніка Беларускай чыгункі з Днём жанчын
06 сакавіка 2015
Мілыя жанчыны!
Свята вясны — гэта сімвал кахання і пяшчоты, абнаўлення і пачатку новага жыцця. Спрадвеку жанчына была крыніцай прыгажосці і натхнення, захавальніцай хатняга ачага, асновай сямейнага дабрабыту і надзейнай апорай для кахаючага мужчыны. Цяжка ўявіць сабе працу чыгуначнага транспарту без жанчын. Сёння на Беларускай чыгунцы добрасумленна працуюць амаль 30 000 прадстаўніц прыгожага полу. Працавітыя і адказныя, мэтанакіраваныя і вопытныя, энергічныя і крэатыўныя — розныя, але яны заўсёды імкнуцца быць лепшымі ў сваёй справе. Працуючы на розных пасадах нароўні з мужчынамі, вы прыўносіце ледзь улоўную нотку парадку і стылю ва ўсё, што вы робіце. Ваша прысутнасць стварае здаровы клімат у працоўных калектывах і стымулюе праяўленне ў калег-мужчын іх лепшыя якасцi. Прыемна адзначыць, што многія з вас, прыйшоўшы аднойчы на чыгунку, застаюцца адданымі ёй усё сваё жыццё. Сёння сярэдні стаж працы жанчын Беларускай чыгункі складае больш за 15 гадоў.
Дзякуй вам за вашу працу і вашу прыгажосць.
Асаблівыя словы віншавання мы гаворым тым, хто знаходзіцца на заслужаным адпачынку, нашым дарагім жанчынам - ветэранам вайны і працы. На вашыя кволыя плечы ляглі ўсе нягоды ваенных гадоў і пасляваеннага аднаўлення народнай гаспадаркі краіны. Але вы пры гэтым заставаліся па-ранейшаму прыгожымі, паспяваючы выхоўваць дзяцей, ствараць сямейную ўтульнасць і свацiцца цяплом і любоўю.
Нізкі паклон маці, сёстрам і жонкам за тое, што вы ёсць у нашым жыцці, за тое, што вы робіце для нас, мужчын!
Дарагія жанчыны! Хай у гэты ясны сонечны дзень вас саграваюць пяшчотныя словы любові, кахання і шчырыя віншаванні калег і блізкіх.
Ад усёй душы жадаем вам вясновага настрою, здароўя, сямейнага дабрабыту, міру і згоды.
Хай споўняцца ўсе вашыя запаветныя жаданні і мары, а побач заўсёды будуць верныя і надзейныя мужчыны!
Са святам!
Начальнік Беларускай чыгункі В.М. Маразоў
Старшыня Беларускага прафесійнага саюза чыгуначнікаў і
транспартных будаўнікоў У.І. Рынг
Старшыня Арганізацыі ветэранаў Беларускай чыгункі Я.Г. Лаўрыновіч
Да спісу навін за 2015 год