Беларуская чыгунка спецыяльна да вясновых канікул распрацавала новы пакет экскурсій для школьнікаў з Беларусі і Расіі
04 сакавіка 2015
З 22 па 29 сакавіка турыстычны цэнтр «Дартур» Беларускай чыгункі прапануе шэраг аднадзённых і трохдзённых экскурсійных праграм для дзяцей. Атрымаць новыя яркія ўражанні можна цэлым класам. Аднадзённыя туры ў наваколлі Мінска разлічаны на любы густ. Школьнікаў запрашаюць прыняць удзел у традыцыйных забавах «Гуканне вясны», пагрузіцца ў атмасферу рыцарскага турніру часоў сярэднявечнай Беларусі, навучыцца каўбойскім танцам у коннай сядзібе, на свае вочы ўбачыць рэканструкцыю партызанскага лагера і ваенна-гістарычнага комплексу пагранзаставы Мінскага ўмацаванага раёна.
Для аматараў больш працяглых паездак распрацаваны 3-дзённыя праграмы «Дзіўная Беларусь» з агляднай экскурсіяй па Мінску, наведваннем мемарыяльнага комплексу Хатынь і новага музея Вялікай Айчыннай вайны, Мірскага замка і палацава-паркавага комплексу ў Нясвіжы, а таксама мемарыяльнага комплексу «Брэсцкая крэпасць-герой» і Нацыянальнага парку« Белавежская пушча».
Падрабязнасці і кантактную інфармацыю можна знайсці на афіцыйным сайце Беларускай чыгункі www.rw.by ў раздзеле «Турызм і адпачынак».
Інфармацыя падрыхтавана прэс-цэнтрам БЧ
Да спісу навін за 2015 год