Беларуская чыгунка адкрыла ў Гомелі мемарыяльную дошку ў гонар Героя Сацыялістычнай Працы Алены Чухнюк

13 лістапада 2014

Сёння ў Гомелі адбылося ўрачыстае адкрыццё мемарыяльнай дошкі ў гонар выдатнай чыгуначнiцы, Героя Сацыялістычнай Працы, ветэрана Вялікай Айчыннай вайны, машыніста лакаматыўнага дэпо Гомель Алены Міронаўны Чухнюк.

У мерапрыемстве прынялі ўдзел намеснік Начальніка Беларускай чыгункі Пётр Стоцкi, старшыня арганізацыі ветэранаў Беларускай чыгункі Якаў Лаўрыновіч, кіраўніцтва і работнікі Гомельскага аддзялення БЧ, прадстаўнікі прафсаюзных арганізацый, сваякі Алены Чухнюк, ветэраны, удзельнікі Трэцяга злёту машыністаў.

Як адзначыў, адкрываючы мерапрыемства, Пётр Стоцкi, гэта падзея з'яўляецца гістарычным ў жыцці не толькі Беларускай чыгункі, але і ўсëй прасторы каляіны 1520. «У асобе Алены Міронаўны Чухнюк мы аддаём даніну павагі гераічнага мінулага нашага народа, яго мужнасці і самаадданасці ў барацьбе за вызваленне нашай Радзімы, — падкрэсліў ён. — Упэўнены, памяць аб гэтым светлым чалавеку навечна застанецца ў сэрцах не толькі чыгуначнікаў, але і ўсяго нашага народа».

Адкрыццё мемарыяльнай дошкі прайшло ў рамках Трэцяга злёту машыністаў, а таксама мерапрыемстваў па святкаванні 70-годдзя вызвалення Рэспублікі Беларусь ад нямецка-фашысцкіх захопнікаў і перамогі савецкага народа ў Вялікай Айчыннай вайне. Мемарыяльная дошка размешчана на сцяне будынка лакаматыўнага дэпо Гомель. Яна нагадвае ўсім нам аб вялікім подзвігу беларускай чыгуначнiцы. Імя гэтай гераічнай жанчыны ведаюць не толькі ў Беларусі, але і далёка за яе межамі.

Алена Чухнюк была адной з першых чыгуначнiц ў СССР, якім ў 1943 годзе за асаблівыя заслугі ў забеспячэнні перавозак для фронту было прысвоена званне Героя Сацыялістычнай працы. У гісторыі лакаматыўнага дэпо Гомель яна — адзіная жанчына-машыніст паравоза.

Алена Чухнюк нарадзілася ў 1917 годзе ва ўкраінскім сяле Дзякоўка Вінніцкай вобласці, пайшла з жыцця 10 мая 2014 года.

Свой працоўны шлях на чыгуначным транспарце яна пачала памочнікам машыніста паравоза лакаматыўнага дэпо Гомель. Выдатна скончыўшы курсы пры Гомельскім лакаматыўным дэпо, пазней стала машыністам і вадзіла цяжкавагавыя цягнікi на Оршу, Магілёў, Чарнігаў. Актыўна ўдзельнічала ў стаханаўска-крываноскiм руху па ваджэннi цяжкавагавых цягнікоў, павелічэннi сутачнага і міжрамонтнага прабегаў паравозаў.

Ужо ў 1941 праца Алены Чухнюк была ацэнена па заслугах: ёй было прысвоена званне «Ганаровы чыгуначнік». У час вайны яна працавала ў спецфарміраваннях НКШЗ (паравознай калоне №4 Асобага рэзерву) машыністам паравоза на прыфрантавых участках чыгунак СССР. Пад бамбёжкамі варожай авіяцыі і пад артылерыйскімі абстрэламі вадзіла ваенныя эшалоны са зброяй і боепрыпасамі да лініі фронту, ратавала саставы ад удараў варожай авіяцыі пад Яльцом, Сталінградам, Курскам. За асаблівыя заслугі перад Радзімай 5 лістапада 1943 Алене Чухнюк было прысвоена высокае званне Героя Сацыялістычнай працы. У тую пару ёй ішоў усяго 27 год …

Пасля вайны Алена Чухнюк скончыла Маскоўскі інстытут чыгуначнага транспарту, працавала ў Галоўным упраўленні лакаматыўнага гаспадаркі Міністэрства шляхоў зносін СССР.

У 2007 годзе імя Алены Міронаўны Чухнюк было прысвоена дызель-цягніку ДР1Б-505 прыпіскі лакаматыўнага дэпо Гомель.

Інфармацыя падрыхтавана прэс-цэнтрам БЧ