XX спартакіяда навучэнцаў устаноў сярэдняй спецыяльнай адукацыі Беларускай чыгункі прайшла ў Брэсце
23 красавіка 2014
У красавіку на базе Брэсцкага дзяржаўнага каледжа чыгуначнага транспарту адбылася XX спартакіяда навучэнцаў устаноў сярэдняй спецыяльнай адукацыі Беларускай чыгункі. У спаборніцтвах па баскетболе, валейболе, міні-футболе і настольным тэнісе за перамогу змагаліся каманды Брэсцкага, Гомельскага і Аршанскага дзяржаўных каледжаў БЧ.
Па выніках спартакіяды 1-е месца заняла каманда Гомельскага каледжа — суддзі прызналі яе лепшай ва ўсіх відах спорту. 2-е месца падзялілі паміж сабой навучэнцы Брэсцкага і Аршанскага каледжаў .
Традыцыйна ў якасці гасцей у спартакіядзе устаноў сярэдняй спецыяльнай адукацыі БЧ прынялі ўдзел навучэнцы Петразаводскага каледжа і Вялікалуцкі тэхнікума чыгуначнага транспарту — філіялаў Пецярбургскага дзяржаўнага універсітэта шляхоў зносін.
У вольны ад спартыўных спаборніцтваў час удзельнікі спартакіяды здзейснілі экскурсійную паездку ў Белавежскую пушчу.
Спартакіяда навучэнцаў устаноў сярэдняй спецыяльнай адукацыі Беларускай чыгункі праводзіцца штогод з мэтай папулярызацыі здаровага ладу жыцця.
Інфармацыя падрыхтавана прэс-цэнтрам БЧ
Да спісу навін за 2014 год