Ўшанаванне ветэранаў Беларускай чыгункі прайшло ў Мінскім Палацы культуры і спорту чыгуначнікаў 23 студзеня
23 студзеня 2014
Сёння ў Мінскім Палацы культуры і спорту чыгуначнікаў адбылося ўрачыстае мерапрыемства, прысвечанае 30- годдзю ўтварэння Арганізацыі ветэранаў Беларускай чыгункі.
Намеснік Начальніка Беларускай чыгункі Пётр Стоцкi ўручыў актывістам ветэранскага руху ганаровыя граматы, падзякі, каштоўныя падарункі. «Ветэраны — асаблівая катэгорыя людзей. У вас ёсць вопыт і веды, мудрасць і высокае пачуццё адказнасці , — адзначыў, віншуючы ветэранаў, Пётр Стоцкi. — Я не стамляюся дзівіцца вашай кіпучай энергіі, мэтанакіраванасці і самаадданасці. Прыемна адзначыць, што знаходзячыся на заслужаным адпачынку, вы не застаяцеся ў баку ад удзелу ў вытворчай і грамадскай дзейнасці Беларускай чыгункі. Упэўнены, што з кожным годам ролю і значэнне Арганізацыі ветэранаў будзе толькі ўзрастаць».
Ветэранаў Беларускай чыгункі павіншаваў і старшыня Беларускага грамадскага аб'яднання ветэранаў Анатоль Новікаў. Ён высока ацаніў дзейнасць Арганізацыі ветэранаў БЧ і ўзнагародзіў яе актывістаў нагрудным знакам «Ганаровы ветэран».
Таксама была арганізавана канцэртная праграма .
Ушанавання ветэранаў, прысвечаная 30-годдзю ўтварэння Арганізацыі ветэранаў Беларускай чыгункі, праходзяць ва ўсіх аддзяленнях магістралі.
Ветэранская арганізацыя Беларускай чыгункі — адна з найстарэйшых у Беларусі. Створаная ў студзені 1984 за адносна невялікі прамежак часу яна набыла вялікі вопыт працы і заваявала заслужаны аўтарытэт не толькі ў чыгуначнай сферы, але і ва ўсёй рэспубліцы.
Сёння Арганізацыя ветэранаў Беларускай чыгункі ўключае ў сябе 183 першасныя аб'яднаннi, якія аб'ядноўваюць у сваіх шэрагах амаль 37 тысяч чалавек.
Інфармацыя падрыхтавана прэс-цэнтрам БЧ
Да спісу навін за 2014 год