Каманда па міні-футболе «БЧ» выйграла Кубак Беларусі

27 студзеня 2014

25 студзеня ў Барысаве адбыўся фінал розыгрышу Кубка Беларусі па міні-футболе. На галоўны трафей прэтэндавалі каманды «БЧ» (Гомель) і «ВітЭн» (Віцебск).

Інтрыга на пляцоўцы захоўвалася да самай апошняй секунды. Энергетыкі з «ВітЭн» двойчы саступалі з адрывам у два мячы і двойчы адыгрываліся. Ўсё вырашылі пасляматчавыя пенальці, у якіх ўдача спадарожнічала чыгуначнікам з «БЧ». Кубак Беларусі па міні-футболе адпраўляецца ў Гомель.