Міжнародны бізнэс-форум «Стратэгічнае партнёрства 1520: Цэнтральная і Усходняя Еўропа» пройдзе ўпершыню ў Мінску пры падтрымцы Беларускай чыгункі

23 верасня 2013

Правядзенне міжнароднага чыгуначнага бізнес-форуму «Стратэгічнае партнёрства 1520: Цэнтральная і Усходняя Еўропа» упершыню будзе арганізавана ў Рэспубліцы Беларусь. Форум пройдзе ў Мінску з 9 па 11 кастрычніка 2013 года ў Прэзідэнт-атэлі. Мерапрыемства арганізавана кампаніяй ТАА «Бізнес Дыялог» пры падтрымцы Беларускай чыгункі і ААТ «Расійскія чыгункі".

Мэтай бізнес-форуму з'яўляецца абмеркаванне пытанняў развіцця лагістыкі чыгуначных перавозак ва ўмовах фарміравання транспартна — лагістычнай сістэмы Адзінай эканамічнай прасторы і рэалізацыі комплексных інфраструктурных праектаў на чыгуначным транспарце прасторы 1520.

1520 — гэта афіцыйная шырыня ў міліметрах каляіны чыгунак Расіі, краін СНД, Балтыі, Манголіі і Фінляндыі. Агульная працягласць каляіны на гэтай прасторы складае больш за 150 тыс. км. Такую каляіну яшчэ называюць «шырокай» у параўнанні з так званай «вузкай» каляінай, якая выкарыстоўваецца, у прыватнасці, у краінах Паўночнай Амерыкі, Еўропы, Кітая і мае шырыню 1435 міліметраў.

Тое, што ўпершыню перспектывы чыгуначнай галіны краін Цэнтральнай і Усходняй Еўропы абмяркоўваюцца менавіта ў Мінску не выпадкова, бо Беларусь — транзітная краіна, якая размяшчаецца ў цэнтры Еўропы, на скрыжаванні II і IX Агульнаеўрапейскіх транспартных калідораў. Шмат у чым менавіта гэта вызначыла ролю Беларускай чыгункі як важнейшага сувязнага звяна паміж Усходам і Захадам.

Сёння ад паспяховага функцыянавання Беларускай чыгункі залежыць эканоміка не толькі Беларусі, але і ўсіх краін прасторы 1520. Асабліва актуальна гэта зацвярджэнне ў святле развіцця інтэграцыйных працэсаў на еўразійскай прасторы — функцыянавання Мытнага саюза і Адзінай эканамічнай прасторы Беларусі, Расіі і Казахстана, планаў па фарміраванні Еўразійскага эканамічнага саюза.

Чыгуначныя перавозкі — гэта тая сфера, канкурэнцыя ў якой з кожным годам абвастраецца, а змена кан'юнктуры знешніх рынкаў вучыць быць гатовым да працы ў самых розных умовах. Менавіта таму сёння важнае значэнне мае кансалідацыя намаганняў найбуйнейшых чыгуначных кампаній, выпрацоўка сумесных рашэнняў па аптымізацыі міжнародных перавозак на еўраазіяцкiм кантыненце.

Праграма бізнес-форуму ўключае работу дыскусій і спецыялізаваных круглых сталоў. Адкрыецца бізнес-форум 10 кастрычніка пленарнай дыскусіяй на тэму «1520: транзітны бізнес кантынентальнага маштабу». У пленарным пасяджэнні прыме ўдзел Начальнік Беларускай чыгункі Уладзімір Марозаў.

Акрамя таго, прадстаўнікі беларускай магістралі прымуць удзел у працы круглага стала на тэму «АЭП: ідэалогія транзітнага росту», якi ў якасці спікера будзе ўдзельнічаць першы намеснік Начальніка Беларускай чыгункі Уладзімір Міхайлюк. У працы круглага стала на тэму «Пасажырскі транспарт: тэхналогіі інавацыйнага камфорту» прыме ўдзел начальнік пасажырскай службы Беларускай чыгункі Аляксандр Захарэвіч.

Удзельнікі форуму, сярод якіх кіраўнікі нацыянальных чыгуначных кампаній Беларусі, Казахстана, Расіі, іншых краін «шырокай» і «вузкай» каляіны, кіраўнікі вядучых транспартных і лагістычных прадпрыемстваў Расіі, дзяржаў ЕС і СНД, змогуць наведаць транспартныя і інфраструктурныя аб'екты.

Беларуская чыгунка з мэтай азнаямлення з прамысловым патэнцыялам прадпрыемстваў рэспублікі ў галіне чыгуначнага транспарту на станцыі Ждановічы арганізуе перасоўную выставачную экспазіцыю сучаснай чыгуначнай тэхнікі і рухомага саставу, які эксплуатуецца на беларускай магістралі.

Інфармацыя падрыхтавана прэс- цэнтрам БЧ