Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Беларуская чыгунка перавезла больш за 2,4 тыс. вагонаў збожжа ўраджаю гэтага года

14 жніўня 2013

Беларуская чыгунка цалкам забяспечвае заяўкі сельскагаспадарчых прадпрыемстваў на перавозку збожжа ўраджаю гэтага года. Усяго з пачатку масавай уборкі ў перыяд з 22 ліпеня па 13 жніўня па чыгунцы перавезена 2409 вагонаў са збожжам.

У цяперашні час пагрузка збожжа на чыгуначны транспарт ажыццяўляецца ва ўсіх абласцях Беларусі. Магістраль своечасова дае рухомы састаў для перавозкі збожжавых, згодна з заяўкамi прадпрыемстваў і графікам адгрузкі Мінсельгасхарча. Для забеспячэння гэтых перавозак чыгунка мае неабходны парк збожжавозаў.

 

У цяперашні час магістраллю і сельскагаспадарчымі прадпрыемствамі арганізаваны кругласутачныя пагрузка і выгрузка збожжа. Гэта работа вядзецца таксама ў выхадныя дні. У мэтах забеспячэння перавозак збожжа ў Цэнтры кіравання перавозкамі і аддзяленнях Беларускай чыгункі ўсталяваны дыспетчарскі кантроль арганізацыі пагрузкі і выгрузкі.

У гэтым годзе беларуская магістраль па заяўках арганізацый Мінсельгасхарча плануе забяспечыць своечасовую перавозку збожжавых ўраджаю 2013 года ў аб'ёме не менш як 1,5 млн т.

Акрамя таго, у пачатку верасня чыгунка плануе прыступіць да перавозкі плодаагародніннай прадукцыі ўраджаю гэтага года.

 

Інфармацыя падрыхтавана прэс-цэнтрам БЧ

Да спісу навін за 2013 год