.png)
Цягнік Перамогі
Навіны раздела
Больш за 25 000 жыхароў Беларусі наведалі перасовачны музей «Цягнік Перамогі»
З 11 па 30 чэрвеня перасовачны музей «Цягнік Перамогі» праехаў па тэрыторыі нашай краіны больш за 2,6 тысячы кіламетраў з прыпынкамі ў 8 гарадах. Праект стартаваў у Мінску, затым «Цягнік Перамогі» пабываў у Оршы, Віцебску, Полацку, Гродна, Брэсце, Гомелі, Магілёве.
Улічваючы вялікую папулярнасць праекта «Цягнік Перамогі» ў Беларусі і ў сувязі са шматлікімі зваротамі грамадзян у адрас Беларускай чыгункі, па ўзгадненні з арганізатарамі праекта ад Расійскай Федэрацыі была знойдзена магчымасць прадоўжыць час дэманстрацыі экспазіцыі «Цягнік Перамогі» на 29 і 30 чэрвеня ў горадзе Мінску .
За 20 дзён рэалізацыі праекта «Цягнік Перамогі» ў Беларусі яго экспазіцыю наведалі больш за 25 тысяч жыхароў нашай краіны. У цэлым час работы музея склаў 240 гадзін. У Оршы, Гродна, Брэсце і Гомелі адбылося ўшанаванне 5, 10, 15 і 20-тысячнага наведвальнікаў музея. 30 чэрвеня 2021 года ў горадзе Мінску з экспазіцыяй «Цягнікі Перамогі» азнаёміўся яе 25 000-ны наведвальнік - ім стаў шматдзетны бацька Яўген Сяроў, урач-уролаг 4-й гарадской клінічнай бальніцы імя М.Я. Саўчанка. Усім юбілейным наведвальнікам ад Беларускай чыгункі былі ўручаны памятныя сертыфікаты і кнігі пра Вялікую Айчынную вайну.
29 і 30 чэрвеня ўнікальны перасовачны музей «Цягнік Перамогі» працягне сваю работу ў г.Мінску
Нагадваем, што на тэрыторыі Рэспублікі Беларусь праект «Цягнік Перамогі» рэалізуецца з 11 па 28 чэрвеня 2021 года Беларускай чыгункай і ААТ «Расійскія чыгункі» ў рамках Года народнага адзінства і прымеркаваны да 80-годдзя пачатку Вялікай Айчыннай вайны.
Ён ажыццяўляецца пры падтрымцы Адміністрацыі Прэзідэнта Рэспублікі Беларусь і актыўным садзейнічанні Рэспубліканскага валанцёрскага цэнтра.
Улічваючы вялікую папулярнасць праекта «Цягнік Перамогі» ў Рэспубліцы Беларусь і ў сувязі з шматлікімі зваротамі жыхароў нашай краіны ў адрас Беларускай чыгункі па ўзгадненні з арганізатарамі праекта ад Расійскай Федэрацыі знойдзена магчымасць прадоўжыць час дэманстрацыі экспазіцыі «Цягнік Перамогі» яшчэ на два дні. 29 і 30 чэрвеня 2021 года «Цягнік Перамогі» будзе прымаць экскурсійныя групы ў г.Мінску.
