Год беларускай жанчыны
Прэзідэнт Беларусі Аляксандр Лукашэнка падпісаў Указ № 1, якім 2026 год аб'яўлены Годам беларускай жанчыны.
Дакумент прыняты ў мэтах фарміравання нацыянальнага вобраза жанчыны-працаўніцы, папулярызацыі ролі жанчын у захаванні і развіцці грамадства.
Ураду з удзелам аблвыканкамаў, Мінскага гарвыканкама даручана распрацаваць і зацвердзіць рэспубліканскі план мерапрыемстваў па правядзенні ў 2026 годзе Года беларускай жанчыны. Таксама ўрад будзе каардынаваць дзейнасць дзяржаўных органаў, іншых арганізацый па выкананні гэтага плана.
Указ № 1 ад 1 студзеня 2026 г. Аб аб'яўленні 2026 года Годам беларускай жанчыны
Навіны раздзела
З клопатам пра будучыню. Беларускія чыгуначнікі прымаюць актыўны ўдзел у дабрачынных акцыях, прымеркаваных да пачатку новага навучальнага года
У рамках абвешчанага ў Беларусі Года беларускай жанчыны і ў мэтах аказання дапамогі шматдзетным маці ў падрыхтоўцы дзяцей да новага навучальнага года дзяржаўнае аб'яднанне «Беларуская чыгунка» сумесна з Аб'яднанай галіновай прафсаюзнай арганізацыяй чыгуначнікаў і транспартных будаўнікоў Беларускага прафесійнага саюза работнікаў транспарту і камунікацый праводзіць з 26 жніўня па 10 верасня 2026 года дабрачынную акцыю «Магістраль дабра: з клопатам пра будучыню».
«Аўталэдзі-2026»: яркае свята прыгажосці, інтэлекту і вадзіцельскага майстэрства
13–14 мая 2026 года на базе спецыялізаванай дзіцяча-юнацкай спартыўна-тэхнічнай школы па аўтаматаспорце ДАСААФ упершыню прайшлі рэспубліканскія спаборніцтвы «Аўталэдзі-2026». Арганізатарам маштабнага мерапрыемства выступіў Цэнтральны савет ДАСААФ.
«Аўталэдзі-2026» – гэта не проста тэст на хуткасць, а сапраўднае свята, дзе ўдзельніцы прадэманстравалі не толькі навыкі фігурнага кіравання, але і эрудыцыю, творчыя здольнасці і згуртаванасць.
