.png)
Карпаратыўныя навіны
Студзень
-
24 студзеня 2017На Беларускай чыгунцы падыходзіць да завяршэння штогадовы конкурс на званне «Лепшы па прафесіі на чыгуначным транспарце»
Чарговы этап спаборніцтва прайшоў у лакаматыўным дэпо Гомель. У ім узялі ўдзел работнікі лакаматыўных брыгад БЧ, машыністы-інструктары, тэхнікі па расшыфроўцы стужак хуткасцямераў і электронных носьбітаў інфармацыі, якія занялі першыя месцы на папярэдніх этапах конкурсу, праведзеных аддзяленнямі дарогі.
Прэтэндэнты на званне «Лепшы па прафесіі» павінны былі прадэманстраваць свае прафесійныя веды і навыкі на тэарэтычным і практычным этапах спаборніцтва.
У выніку лепшымі работнікамі прызнаны: машыніст цеплавоза лакаматыўнага дэпо Віцебск Вадзім Усціновіч, памочнік машыніста цеплавоза лакаматыўнага дэпо Асіповічы Андрэй Шкрадзюк, машыніст электравоза лакаматыўнага дэпо Асіповічы Андрэй Карытка, памочнік машыніста электравоза лакаматыўнага дэпо Брэст Сяргей Гольчук, машыніст дызель-цягніка лакаматыўнага дэпо Лунінец Аляксей Савіч, памочнік машыніста дызель-цягніка лакаматыўнага дэпо Лунінец Мікалай Ермаковіч, памочнік машыніста электрацягніка лакаматыўнага дэпо Гомель Дзмітрый Калінічэнка, машыніст-інструктар лакаматыўнага дэпо Маладзечна Аляксандр Тарасевіч, тэхнік па расшыфроўцы стужак хуткасцямера лакаматыўнага дэпо Брэст Святлана Салаўян.
Чытаць далей… -
23 студзеня 2017Начальнік Беларускай чыгункі Уладзімір Марозаў прыме ўдзел у шэрагу міжнародных мерапрыемстваў, якія праходзяць у гэтыя дні ў Мінску
24 студзеня Начальнік Беларускай чыгункі Уладзімір Марозаў прыме ўдзел у цырымоніі адкрыцця Прадстаўніцтва ГАО «Латвійская чыгунка» у Рэспубліцы Беларусь, закліканага ўмацоўваць і пашыраць супрацоўніцтва ў галіне міжнародных грузаперавозак, транзіту і лагістыкі.
Адкрыццё Прадстаўніцтва ГАО «Латвійская чыгунка» у Рэспубліцы Беларусь з'яўляецца знакавай падзеяй у гісторыі супрацоўніцтва дзвюх дарог.
У 2016 годзе было падпісана Пагадненне паміж Беларускай чыгункай і ГАО «Латвійская чыгунка» аб супрацоўніцтве пры арганізацыі руху цягнікоў, выкарыстанні чыгуначнай інфраструктуры паміж памежнымі і перадаткавымі станцыямі.
Чытаць далей… -
21 студзеня 2017Турыстычнаму цэнтру «Дартур» Беларускай чыгункі споўнілася дзесяць гадоў
Турыстычны цэнтр «Дартур» быў створаны ў студзені 2007 года на базе Мінскага аддзялення Беларускай чыгункі. Прыярытэтам у працы калектыву з'яўляецца ўнутраны і ўязны турызм.
Сярод пераваг «Дартур» — выкарыстанне наяўных рэсурсаў чыгункі для развіцця культурна-пазнавальнага турызму. Праграмы перавозак арганізаваных турыстычных груп прадугледжваюць перамяшчэнне груп турыстаў з выкарыстаннем як рэгулярных цягнікоў, так і прычапных бесперасадачных вагонаў па загадзя распрацаваным маршруце, экскурсійнае абслугоўванне, харчаванне, а таксама магчымасць выкарыстоўваць развітую інфраструктуру прадпрыемстваў Беларускай чыгункі.
Турыстычны цэнтр «Дартур» мае значны вопыт арганізацыі і комплекснага абслугоўвання ўдзельнікаў значных праектаў, прысвечаных 65-годдзю і 70-годдзю Вялікай Перамогі: «Дарогамі Вялікай перамогі», «Цягнік дружбы ветэранаў вайны супраць нацызму», «Цягнікі памяці», а таксама турыстычных маршрутаў з выкарыстаннем чыгуначнага транспарту па краінах далёкага і блізкага замежжа. Распрацаваны і дзейнічае праект «Цягнiком ў Беларусь». У 2012 годзе праведзена вялікая работа па арганізацыі экскурсійных тураў, прысвечаных 150-годдзю Беларускай чыгункі, былі распрацаваны 40 экскурсійных чыгуначных маршрутаў, прысвечаных юбілейнай тэме.
Чытаць далей… -
19 студзеня 2017Беларуская чыгунка падвядзе вынікі працы за 2016 год на пасяджэнні тэхніка-эканамічнага савета
27 студзеня Беларуская чыгунка правядзе пасяджэнне выніковага тэхніка-эканамічнага савета (ТЭС) Беларускай чыгункі, на якім будуць разгледжаны асноўныя вынікі дзейнасці дарогі за 2016 год і пастаўлены задачы яе сацыяльна-эканамічнага развіцця на 2017 год. У працы ТЭС прымуць удзел кіраўнікі дзяржаўных органаў Рэспублікі Беларусь і іншыя афіцыйныя асобы.
На ТЭС будуць разгледжаны пытанні аб эканамічнай эфектыўнасці работы і павышэнні фінансавай устойлівасці Беларускай чыгункі ў 2017 годзе, аб выніках працы ў 2016 годзе і асноўных напрамках павышэння эфектыўнасці грузавых і пасажырскіх перавозак, пытанні аховы працы, выкарыстання асноўных фондаў Беларускай чыгункі. Таксама будуць разгледжаны вынікі працы ў 2016 годзе прадпрыемства «БТЛЦ» і напрамкі павышэння яго патэнцыялу ў 2017 годзе. Будзе нададзена ўвага напрамкам развіцця прадпрыемстваў беларускай магістралі па дыверсіфікацыі экспарту і шэраг іншых.
ТЭС пройдзе пад старшынствам Начальніка Беларускай чыгункі Уладзіміра Марозава.
Чытаць далей… -
17 студзеня 2017Беларуская чыгунка ў 2016 годзе павялічыла продаж білетаў праз Інтэрнэт
У 2016 годзе Беларускай чыгункай праз Інтэрнэт было аформлена больш за 1,6 млн праязных дакументаў, што складае 111,6% да 2015 года. У тым ліку з электроннай рэгістрацыяй — за 1,4 млн або 112,3%. Удзельная вага продажу білетаў праз Інтэрнэт (ад агульнай колькасці праязных дакументаў, аформленых праз АСК «Экспрэс» у білетных касах БЧ) павялічыўся з 10,3% у 2015 годзе да 13,7% ў 2016 годзе.
На працягу апошніх гадоў Беларуская чыгунка вызначае мільённага Інтэрнэт-пасажыра. Калі ў 2014 годзе мільённы інтэрнэт-пасажыр быў зафіксаваны ў снежні, у 2015 годзе ў верасні, то ў 2016 годзе продаж мільённага электроннага праязнога дакумента на сайце сістэмы продажу праязных дакументаў poezd. rw.by устаноўлены ў жніўні. Гэта з'яўляецца сведчаннем штогадовага расту папулярнасці куплі праязных дакументаў (білетаў) праз Інтэрнэт.
Чытаць далей… -
16 студзеня 2017Беларуская чыгунка вызначыла 155-тысячнага пасажыраУ выніку маніторынгу, які праводзіцца Беларускай чыгункай з пачатку курсавання з жніўня мінулага года маторвагоннага рухомага састава падвышанай камфортнасці — цягнікамі міжрэгіянальных ліній ЭПМ ўстаноўлены продаж 155-тысячнага праязнога дакумента (білета).
155-тысячны пасажыр 2017 года здзейсніць паездку 13 студзеня ў цягніку № 710 па маршруце Мінск—Гомель. Цягнік адправіцца са станцыі Мінск-Пасажырскі ў 11.08. Перад яго адпраўленнем ганароваму пасажыру будзе ўручаны памятны сувенір ад Беларускай чыгункі. Уручэнне менавіта 155-тысячному пасажыру сувеніра ад Беларускай чыгункі не выпадкова. 2017 год праходзіць пад знакам 155-годдзя Беларускай чыгункі. 27 снежня 2017 года Беларускай чыгунцы споўніцца 155 гадоў.
Курсіраванне электрацягніка ЭПМ на напрамку Мінск—Гомель з'яўляецца адным з папулярных на Беларускай чыгунцы.
Сёння час у пуці ад Мінска да Гомеля складае менш трох гадзін і гэта самая хуткая і канкурэнтаздольная паездка паміж сталіцай і найбуйнейшым абласным цэнтрам краіны.
Ідэалогія гэтага фармату заключаецца ў арганізацыі пасажырскіх перавозак паміж сталіцай і абласнымі цэнтрамі раніцай і вечарам пры максімальнай хуткасці руху і мінімальнай колькасці прыпынкаў у пуці.
Чытаць далей… -
13 студзеня 2017Беларуская чыгунка вызначыла 155-тысячнага пасажыра
У выніку маніторынгу, які праводзіцца Беларускай чыгункай з пачатку курсіравання са жніўня мінулага года маторвагоннага рухомага саставу падвышанай камфортнасці — цягнікамі міжрэгіянальных ліній ЭПМ усталяваны продаж 155-тысячнага праязнога дакумента (білета).
155-тысячны пасажыр 2017 года здзейсніў паездку 13 студзеня ў цягніку № 710 па маршруце Мінск-Гомель. Цягнік адправіцца са станцыі Мінск-Пасажырскі ў 11.08. Перад яго адпраўленнем ганароваму пасажыру будзе ўручаны памятны сувенір ад Беларускай чыгункі. Уручэнне менавіта 155-тысячнаму пасажыру сувеніра ад Беларускай чыгункі не выпадкова. 2017 год праходзіць пад знакам 155-годдзя Беларускай чыгункі. 27 снежня 2017 года Беларускай чыгунцы споўніцца 155 гадоў.
Курсіраванне электрацягніка ЭПМ на напрамку Мінск—Гомель з'яўляецца адным з папулярных на Беларускай чыгунцы.
Чытаць далей… -
10 студзеня 2017Беларуская чыгунка падвяла вынікі ўдзелу ў навагодняй дабрачыннай акцыі «Нашы дзеці»
З 9 снежня 2016 года па 8 студзеня 2017 года прадстаўнікі арганізацый Беларускай чыгункі і Аб'яднанай галіновай прафсаюзнай арганізацыі чыгуначнікаў і транспартных будаўнікоў наведалі каля 50 розных устаноў ва ўсіх рэгіёнах Беларусі: дзіцячыя дамы, школы, сацыяльна-педагагічныя цэнтры, пабывалі ў гасцях у шматдзетных і малазабяспечаных сем'яў.
Чыгуначнікі прывезлі дзецям салодкія пачастункі і падарункі, а таксама арганізавалі для дзяцей сапраўднае свята з гульнямі, конкурсамі і музычнай праграмай. Дарэчы, такія сустрэчы не пакінулі нікога раўнадушнымі, а для многіх дзяцей яны сталі яшчэ і выдатнай магчымасцю вызначыцца са сваёй будучай прафесіяй.
У цэлым за час акцыі «Нашы дзеці» Беларуская чыгунка аказала матэрыяльную дапамогу амаль 2 тысячам дзяцей на агульную суму больш за 44 тысячы беларускіх рублёў.
Чытаць далей… -
10 студзеня 2017Беларуская чыгунка падвяла вынікі акцыі «Дзеці і бяспека»
Беларуская чыгунка падвяла вынікі акцыі «Дзеці і бяспека», якая праводзілася ў час зімовых канікул. З 23 снежня 2016 года па 8 студзеня 2017 года работнікамі БЧ сумесна з членамі грамадскіх фарміраванняў, супрацоўнікамі органаў унутраных спраў былі арганізаваны рэйды, падчас якіх надавалася асаблівая ўвага дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках. Акрамя таго, на вакзалах і ў цягніках грамадзян дадаткова інфармавалі пра меры бяспекі пры знаходжанні на аб'ектах чыгуначнага транспарту, праведзена тлумачальна-прафілактычная работа ў працоўных калектывах прадпрыемстваў і ва ўстановах адукацыі. У акцыі прынялі ўдзел усе аддзялення Беларускай чыгункі.
У рамках акцыі работнікамі ваенізаванай аховы БЧ арганізаваны 300 рэйдаў, падчас якіх да адміністрацыйнай адказнасці прыцягнуты больш за 20 чалавек за праход па чыгуначных пуцях ў неўсталяваным месцы, спагнаныя штрафы на суму 88,2 рубля. Выяўлены і выведзены ў бяспечныя месцы 47 непаўналетніх, якія знаходзіліся на аб'ектах чыгункі без суправаджэння бацькоў ці дарослых. З 11 непаўналетнімі, якія знаходзіліся на чыгуначных пуцях у слухаўках і размаўлялі па сотавых тэлефонах, праведзены прафілактычныя гутаркі. З зоны падвышанай небяспекі выдаленыя 40 чалавек, якія знаходзіліся ў стане алкагольнага ап'янення.
Чытаць далей… -
09 студзеня 2017Дзіцячай чыгункай у перыяд калядных і навагодніх святаў перавезена амаль 7 тысяч пасажыраў
У перыяд з 24 снежня 2016 года па 8 студзеня 2017 года Дзіцячай чыгункай імя К.С. Заслонава Мінскага аддзялення БЧ цягніком «Навагодні экспрэс» было перавезена 6 тысяч 850 пасажыраў.
У цяперашнім святочным сезоне Дзіцячай чыгункай сумесна з Мінскім Палацам культуры і спорту чыгуначнікаў на станцыі Сасновы Бор было арганізавана тэатралізаванае прадстаўленне «У госці да Дзеда Мароза». Дзеці сустрэліся з ляснымі насельнікамі, казачнымі героямі: Карлсанам, разбойнікамі, Дзедам Марозам і Снягуркай, прынялі ўдзел у навагодніх конкурсах і гульнях, наведалі атракцыёны, пазнаёміліся з жыхарамі міні-заапарка, а таксама пракаціліся на поні і кані. Усяго было праведзена каля 50 навагодніх прадстаўленняў.
Чытаць далей… -
05 студзеня 2017Беларуская чыгунка забяспечвае бесперабойную работу ва ўмовах снегападу
Беларуская чыгунка аператыўна рэагуе на змены умоў надвор'я і своечасова чысціць чыгуначныя пуці і стрэлачныя пераклады ад снегу, што дазваляе забяспечыць бесперабойную працу транспарту і бяспеку руху цягнікоў. Усе гаспадаркі магістралі працуюць у штатным рэжыме.
Беларуская чыгунка размяшчае неабходную колькасць снегаўборачнай тэхнікі для ачысткі чыгуначных пуцей ад снегу на перагонах і станцыях - 24 снегаўборачныя машыны і 39 снегаачышчальнікаў.
У цяперашні час пры правядзенні работ па ўборцы снегу задзейнічана 1 снегаўборачная машына, на ачыстцы стрэлачных перакладаў і чыгуначных пераездаў ад снегу працуюць 1627 чалавек. Затрымак у руху цягнікоў з-за ўмоў надвор'я няма. Усе прылады сігналізацыі, цэнтралізацыі і сувязі, комплексы тэхнічных сродкаў кантролю знаходзяцца ў спраўным стане.
Чытаць далей…
