Развіццё прыярытэтных напрамкаў

Беларусь - скрыжаванне, дзе сыходзяцца важнейшыя Транс'еўрапейскія калідоры, пазначаныя па міжнароднай класіфікацыі нумарам 2 (Захад-Усход) і нумарам 9 (Поўнач-Поўдзень) з адгалінаваннем 9b.

Транспартны калідор № 9 злучае Фінляндыю, Літву, Расію, Беларусь, Украіну, Малдову, Румынію, Балгарыю і Грэцыю, перасякае тэрыторыю рэспублікі з поўначы на поўдзень, у абыход буйных прамысловых цэнтраў - Віцебска, Магілёва, Гомеля.

Працягласць чыгуначных ліній транспартнага калідора № 9 складае: кірунак Церуха-Гомель-Віцебск-Езярышча - 489 км; кірунак Гудагай-Маладзечна-Мінск-Жлобін - 372 км.

Транспартны агульнаеўрапейскі калідор № 2 Берлін-Варшава-Мінск-Масква-Ніжні Ноўгарад, які злучае Нямеччыну, Польшчу, Беларусь і Расію, вызначаны Еўрапейскім Саюзам як прыярытэтны сярод Крыцкіх калідораў ў сувязі з важным значэннем гандлёвых патокаў ў зносiнах Захад – Усход, што праходзяць па ім. У межах Рэспублікі Беларусь чыгуначная лінія пралягае ў кірунку Брэст-Мінск-Орша-Асінаўка.

Частка транспартнага калідора № 2 (Краснае (Расія)/Асінаўка (Беларусь) - Брэст) з'яўляецца двухпутным, цалкам электрыфікаваным і абсталяваным ўстройствамі аўтаматычнай блакіроўкі, электрычнай і дыспетчарскай цэнтралізацыі.

Эксплуатацыйная даўжыня калідора па тэрыторыі Беларусі - 611 км. Дапушчальныя хуткасці руху: грузавых цягнікоў - 80-90 км / г, пасажырскіх - 140 км / г.