Грузавыя перавозкі

Беларуская чыгунка ў 2023 годзе перавезла больш за 1 млн кантэйнераў

Па папярэдніх выніках работы за 2023 год БЧ перавезла больш за 1 млн кантэйнераў у ДФЭ (дваццаціфутавым эквіваленце) ва ўсіх відах зносін.

Развіццё экспартных перавозак і прасоўванне беларускай прадукцыі на знешнія рынкі збыту з'яўляюцца найважнейшымі стратэгічнымі напрамкамі дзейнасці Беларускай чыгункі. Асаблівая ўвага была ўдзелена стварэнню неабходных умоў для нарошчвання аб'ёмаў экспартных паставак прадукцыі беларускіх прадпрыемстваў у кантэйнерах.

Дзякуючы эфектыўнаму ўзаемадзеянню Беларускай чыгункі з грузаадпраўшчыкамі, грузаатрымальнікамі, транспартна-лагістычнымі кампаніямі і чыгуначнымі адміністрацыямі агульны аб'ём экспартных перавозак грузаў у кантэйнерах у 2023 годзе ў параўнанні з 2022 годам павялічаны больш чым на 60%.

Беларуская чыгунка захавала дзеючыя тарыфы на экспартна-імпартныя, унутрырэспубліканскія перавозкі грузаў чыгуначным транспартам з 1 студзеня 2024 года

Прынятае рашэнне накіравана на забеспячэнне стабільнай транспартнай лагістыкі дастаўкі прадукцыі айчынных вытворцаў. Дзякуючы правядзенню збалансаванай тарыфнай палітыкі і ўзаемадзеянню з грузаўладальнікамі, лагістычнымі кампаніямі экспартныя перавозкі беларускіх знешнегандлёвых грузаў чыгуначным транспартам за 11 месяцаў 2023 года выраслі на 16% да аналагічнага перыяду 2022 года.

Таксама ў 2024 годзе будуць захаваны тарыфы на транзітныя перавозкі грузаў, што з'яўляецца стымулам для прыцягнення дадатковага грузапатоку на чыгуначны транспарт Рэспублікі Беларусь.

Беларуская чыгунка высока цэніць кожнага кліента і дзякуе за тое, што выбралі нас. Мы зробім усё магчымае, каб і ў далейшым у нашай асобе вы бачылі надзейнага і адказнага партнёра на рынку транспартных паслуг.